Kisah Para Rasul 17:4 - Perjanjian Baru Bahasa Melayu Maluku Utara

⁴ Pe dengar Paulus pe bicara, babarapa orang Yahudi itu jadi percaya pa Yesus. Bagitu lagi deng banya orang bukang Yahudi yang jaga baibada pa Tuhan Allah, termasuk parampuang-parampuang penting di kota itu, dorang samua percaya, kong langsung iko pa Paulus deng Silas.

Kisah Para Rasul 17:4 ပူးပေါင်းရင်းမြစ်များ

Yohanes 7:35

Pe dengar itu, pemimpin-pemimpin agama Yahudi itu baku bilang, “Dia mo pigi di mana kong, sampe torang so tara bisa baku dapa deng Dia? Jang sampe Dia mo pigi mangajar pa orang-orang Yahudi yang ada merantau di bangsa-bangsa yang bukang Yahudi di sana?

Kisah Para Rasul 13:43

Abis itu, orang-orang kaluar dari ruma ibada kong ada banya orang yang iko pa Paulus deng Barnabas. Dorang itu orang-orang Yahudi deng orang-orang bukang Yahudi yang so maso agama Yahudi. Paulus deng Barnabas kase nasehat pa dorang supaya dong tetap percaya pa Tuhan Allah yang so kase Dia pe bae pa dorang sampe dong bole slamat dari dosa.

Kisah Para Rasul 13:50

Tapi orang-orang Yahudi malawang pa Tuhan pe Firman. Dorang pengaru pa pejabat-pejabat di kota itu deng pa parampuang-parampuang kaya yang baibada supaya dorang siksa pa Paulus deng Barnabas kong user pa dorang dari daera itu.

Kisah Para Rasul 14:1

Waktu Paulus deng Barnabas di kota Ikonium, dorang maso di ruma ibada agama Yahudi sama deng dorang jaga biking di daera laeng. Di situ dorang deng barani kase tau tentang Tuhan Allah pe Kabar Bae sampe banya orang Yahudi deng orang-orang yang bukang Yahudi jadi percaya pa Yesus.

Kisah Para Rasul 14:4

Tapi orang banya di kota itu so tabage dua. Ada yang iko pa orang-orang Yahudi yang tara percaya, deng ada yang iko pa dorang dua itu.

Kisah Para Rasul 15:22

Abis Yakobus bicara itu, Yesus pe utusan-utusan yang orang sebut rasul-rasul, deng penatua-penatua, sama-sama deng samua orang percaya di situ, ambe keputusan la mo utus babarapa orang dari dorang pigi di kota Antiokhia sama-sama deng Paulus deng Barnabas. Dorang pili pa Yudas yang orang jaga pangge Barsabas, deng pa Silas. Dorang dua itu, ada nama bae di orang-orang yang percaya.

Kisah Para Rasul 15:27

Jadi, torang ambe keputusan untuk utus pa Yudas deng Silas supaya nanti dorang dua yang kase tau langsung pa ngoni surat ini pe isi.

Kisah Para Rasul 15:32

Yudas deng Silas itu nabi yang jaga kase turus Tuhan Allah pe pasáng. Dorang dua banya kase nasehat pa orang-orang percaya di kota Antiokhia untuk kase kuat dorang pe hati deng untuk biking dorang pe percaya lebe tamba kuat.

Kisah Para Rasul 15:40

Tapi Paulus pili pa Silas. Kong waktu dong dua so mo pigi, sudara-sudara yang percaya di Antiokhia berdoa la Tuhan jaga deng kase Dia pe bae pa dorang.

Kisah Para Rasul 16:3

Paulus suka Timotius iko sama-sama deng dia waktu bakuliling kase tau Kabar Bae tentang Yesus Kristus. Tapi orang-orang Yahudi di daera yang dorang mo pigi itu tau Timotius tara sunat, barang dia pe papa bukang orang Yahudi. Jadi Paulus suru orang sunat pa Timotius, la di tampa-tampa yang dorang kase tau Kabar Bae, orang Yahudi tara tolak pa dia tapi dorang dengar pa dia sampe jadi percaya pa Yesus.

Kisah Para Rasul 17:10

Dia pe malam itu suda, orang-orang percaya di kota Tesalonika antar pa Paulus deng Silas barangkat pigi di kota Berea. Kong waktu Paulus deng Silas sampe di sana, dorang dua pigi di ruma ibada agama Yahudi.

Kisah Para Rasul 17:12

Kong banya orang Yahudi itu jadi percaya pa Yesus. Di situ me ada banya lagi orang bukang Yahudi yang jadi percaya pa Yesus. Dorang itu, laki-laki deng parampuang-parampuang penting di kota itu.

Kisah Para Rasul 17:14

Karna itu, orang-orang percaya di Berea capat-capat antar pa Paulus di pante. Tapi Silas deng Timotius masi tinggal di Berea.

Kisah Para Rasul 17:17

Jadi Paulus pigi di ruma ibada agama Yahudi kong badiskusi tentang Yesus deng orang-orang Yahudi deng orang-orang bukang Yahudi yang jaga baibada pa Tuhan Allah, supaya dorang bole percaya pa Yesus. Tiap hari, Paulus pigi di pusat kota kong dia badiskusi deng orang-orang di situ la dorang percaya.

Kisah Para Rasul 17:34

Waktu Paulus kaluar, ada babarapa orang yang iko pa dia, barang dorang so jadi percaya pa Yesus. Di antara dorang itu ada laki-laki satu, dia itu satu dari pemimpin di tampa Areopagus, dia pe nama Dionisius. Ada lagi parampuang satu, dia pe nama Damaris, deng ada lagi orang-orang laeng yang iko sama-sama deng dorang.

Kisah Para Rasul 18:4

Tiap hari Sabat, Paulus bacarita deng orang-orang Yahudi deng Yunani di ruma ibada agama Yahudi. Dia berusaha la dorang jadi percaya pa Yesus.

Kisah Para Rasul 19:10

Dia jaga mangajar deng badiskusi di situ selama dua taong, sampe samua orang yang tinggal di daera Asia Kecil dapa dengar firman tentang Tuhan Yesus. Orang-orang yang badengar itu, orang Yahudi deng orang bukang Yahudi.

Kisah Para Rasul 2:44

Samua orang yang so percaya pa Yesus itu salalu bakumpul deng baku bawa bae-bae, kong harta apa saja yang dong punya, dorang pake sama-sama.

Kisah Para Rasul 21:28

Dorang bataria, “Ee, sudara-sudara orang-orang Israel! Tolong pa torang dulu! Orang ini suda yang jaga mangajar pa samua orang di mana-mana tentang ajaran-ajaran yang malawang pa torang bangsa Israel. Dia me ajar supaya torang tara iko lagi aturan-aturan di lima kitab Musa, deng supaya torang tara hormati Ruma Ibada Pusat ini. Apalagi skarang, dia bawa pa orang-orang yang bukang Yahudi di Ruma Ibada Pusat ini, sampe biking tampa ini jadi tara suci lagi!”

Kisah Para Rasul 28:24

Dari apa yang Paulus bilang itu, ada orang-orang di situ yang percaya, tapi ada yang tara percaya.

Kisah Para Rasul 4:23

Bagitu dorang dua so dapa kase bebas, dong dua langsung pigi pa dong pe tamang-tamang. Kong di situ, dorang dua kase carita samua yang imam-imam kapala deng tua-tua Yahudi bilang pa dong dua.

2 Korintus 8:5

Doi sumbangan yang dorang kase itu, lebe banya dari yang torang harap dong kase. Tapi dorang so lebe kamuka kase dong pe hidup pa Tuhan Yesus, turus dorang kase lagi dong pe hidup pa torang, karna itu yang Tuhan Allah mau.