Kisah Para Rasul 17:1 - Perjanjian Baru Bahasa Melayu Maluku Utara

¹ Pe kaluar dari kota Filipi, Paulus deng Silas kase turus dorang dua pe perjalanan. Dorang pigi di kota Tesalonika lewat kota Amfipolis deng kota Apolonia. Di Tesalonika, ada ruma ibada agama Yahudi.

Kisah Para Rasul 17:1 ပူးပေါင်းရင်းမြစ်များ

Kisah Para Rasul 14:1

Waktu Paulus deng Barnabas di kota Ikonium, dorang maso di ruma ibada agama Yahudi sama deng dorang jaga biking di daera laeng. Di situ dorang deng barani kase tau tentang Tuhan Allah pe Kabar Bae sampe banya orang Yahudi deng orang-orang yang bukang Yahudi jadi percaya pa Yesus.

Kisah Para Rasul 15:21

Barang, dari dulu orang so kase tau di mana-mana aturan-aturan di lima kitab Musa. Kong sampe skarang aturan itu jaga kase baca di tiap hari Sabat di ruma-ruma ibada agama Yahudi, di samua kampong deng kota.”

Kisah Para Rasul 16:13

Waktu hari Sabat, torang kaluar dari kota, iko pintu gerbang. Torang bajalang iko pinggir-pinggir kali la mo cari orang Yahudi pe tampa berdoa yang torang pikir ada di situ. Waktu torang sampe di situ, torang baku dapa deng babarapa parampuang. Turus torang dudu kong tong kase carita tentang Tuhan Yesus pa dorang.

Kisah Para Rasul 17:10

Dia pe malam itu suda, orang-orang percaya di kota Tesalonika antar pa Paulus deng Silas barangkat pigi di kota Berea. Kong waktu Paulus deng Silas sampe di sana, dorang dua pigi di ruma ibada agama Yahudi.

Kisah Para Rasul 17:11

Orang-orang Yahudi di kota Berea tara sama deng orang-orang Yahudi di kota Tesalonika. Dorang lebe siap tarima ajaran dari Paulus. Karna itu, dorang suka skali badengar deng tarima Kabar Bae tentang Yesus. Tiap hari dorang cari tau dari Kitab Suci, yang Paulus kase ajar itu butul ka tarada.

Kisah Para Rasul 17:13

Tapi waktu orang-orang Yahudi di kota Tesalonika dapa tau di kota Berea lagi Paulus kase tau Kabar Bae dari Tuhan Allah, dorang me pigi ka sana kase-kase panas pa orang banya itu pe pikiran.

Kisah Para Rasul 20:4

Ada babarapa orang yang iko pa Paulus. Dorang itu: Sopater dari kota Berea (dia itu Pirus pe ana), Aristarkhus deng Sekundus dari kota Tesalonika, Gayus dari kota Derbe, Timotius, deng dua orang dari daera Asia Kecil yang pe nama Tikhikus deng Trofimus.

Kisah Para Rasul 27:2

Torang samua nae kapal yang baru datang dari kota Adramitium. Kapal itu mo basingga-singga di pelabuhan-pelabuhan di daera Asia Kecil. Ada satu orang lagi yang iko pa torang, dia pe nama Aristarkhus. Dia orang Makedonia dari kota Tesalonika. Torang samua balayar dari kota Kaisarea.

Filipi 4:16

Kong bukang cuma itu saja. Waktu kita dapa kekurangan di kota Tesalonika, ngoni bantu pa kita babarapa kali.

1 Tesalonika 1:1

Sudara-sudara jemaat di kota Tesalonika yang so percaya pa Tuhan Allah, torang pe Bapa, deng pa Tuhan Yesus Kristus. Salam dari kita Paulus, deng kita pe tamang-tamang Silwanus deng Timotius. Torang minta pa Tuhan Allah supaya Dia kase Dia pe bae pa ngoni, deng Dia salalu biking ngoni pe hati tetap tenang.

1 Tesalonika 2:2

Ngoni me tau, waktu torang bolong datang pa ngoni, torang dapa siksa deng dapa hina di kota Filipi. Tapi biar ada orang yang tantang Kabar Bae itu, Tuhan Allah tetap tolong pa torang sampe torang me barani kase tau Kabar Bae dari Tuhan Allah pa ngoni.

2 Tesalonika 1:1

Sudara-sudara jemaat di kota Tesalonika yang percaya pa Tuhan Allah, torang pe Bapa, deng pa Tuhan Yesus Kristus. Salam dari kita Paulus, deng kita pe tamang-tamang Silwanus deng Timotius.

2 Timotius 4:10

Karna Kreskes so pigi di Galatia, deng Titus so pigi di Dalmatia. Kong Demas so kase tinggal pa kita karna dia lebe suka iko hal-hal di dunia ini. Jadi dia so barangkat di Tesalonika.