Kisah Para Rasul 16:3 - Perjanjian Baru Bahasa Melayu Maluku Utara

³ Paulus suka Timotius iko sama-sama deng dia waktu bakuliling kase tau Kabar Bae tentang Yesus Kristus. Tapi orang-orang Yahudi di daera yang dorang mo pigi itu tau Timotius tara sunat, barang dia pe papa bukang orang Yahudi. Jadi Paulus suru orang sunat pa Timotius, la di tampa-tampa yang dorang kase tau Kabar Bae, orang Yahudi tara tolak pa dia tapi dorang dengar pa dia sampe jadi percaya pa Yesus.

Kisah Para Rasul 16:3 ပူးပေါင်းရင်းမြစ်များ

Kisah Para Rasul 15:20

Tapi lebe bae torang tulis surat pa dorang, supaya minta dong iko aturan-aturan ini saja: jang dorang makang makanang yang so kase pa orang pe puji-puji, jang makang daging dari binatang yang mati dapa ramas di leher, deng jang makang dara. Dorang me tara bole baseks sabarang.

Kisah Para Rasul 15:37

Barnabas suka mo bawa lagi pa Yohanes yang dorang jaga pangge Markus.

Kisah Para Rasul 15:40

Tapi Paulus pili pa Silas. Kong waktu dong dua so mo pigi, sudara-sudara yang percaya di Antiokhia berdoa la Tuhan jaga deng kase Dia pe bae pa dorang.

1 Korintus 7:19

Karna orang yang sunat deng tara sunat itu tara penting. Yang penting itu iko Tuhan Allah pe parenta-parenta.

1 Korintus 9:20

Waktu kita ada sama-sama deng orang Yahudi, kita iko dong pe biasa biking aturan-aturan yang ada di lima kitab Musa supaya kita bole pengaru pa dorang untuk tarima Kabar Bae yang kita kase tau itu. Jadi, waktu kita sama-sama deng orang-orang yang pegang kuat aturan-aturan di lima kitab Musa itu, kita me pegang kuat aturan-aturan itu. Tapi sebenarnya karna kita so percaya pa Yesus Kristus, kita so tara perlu lagi biking aturan-aturan itu. Biar bagitu, kita biking saja aturan-aturan itu sama deng dorang, la dong sanang lia kita pe hidup kong percaya pa Tuhan Yesus yang kita kase tau pa dorang.

Galatia 2:3

Tapi dorang setuju deng ajaran yang kita ajar pa orang bukang Yahudi, deng dorang me tarima pa Titus, orang bukang Yahudi yang ada sama-sama deng kita, deng dorang tara paksa pa dia la dapa sunat iko aturan di lima kitab Musa.

Galatia 2:8

Barang, Tuhan Allah yang kase kuasa pa Petrus jadi rasul pa orang-orang Yahudi itu, deng Tuhan Allah itu lagi yang kase kuasa pa kita jadi rasul untuk orang-orang yang bukang Yahudi.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Filipi 2:22

Tapi Timotius itu so berusaha karas bantu pa kita kase tau Kabar Bae tentang Yesus Kristus, sama deng ana bantu dia pe papa. Karna ngoni sandiri so lia Timotius bagitu, ngoni so tau Timotius itu bae.