Kisah Para Rasul 15:6 - Perjanjian Baru Bahasa Melayu Maluku Utara

⁶ Turus, rasul-rasul deng penatua-penatua bakumpul untuk biking rapat la mo bicara masala itu.

Kisah Para Rasul 15:6 ပူးပေါင်းရင်းမြစ်များ

Matius 18:20

Barang, kalu ada dua atau tiga orang bakumpul karna percaya pa Kita, di situ suda Kita ada sama-sama deng dorang.”

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.

Kisah Para Rasul 15:2

Pe dengar itu, Paulus deng Barnabas tara setuju kong malawang karas dorang pe ajaran itu. Dia pe ahir kabawa, orang-orang yang percaya di Antiokhia ambe keputusan la suru pa Paulus, Barnabas deng orang-orang percaya yang laeng, pigi di jemaat di Yerusalem. Di Yerusalem, dorang mo baku dapa deng Yesus pe utusan-utusan yang orang sebut rasul-rasul, deng pa penatua-penatua, supaya dorang samua bicara tentang masala itu.

Kisah Para Rasul 15:22

Abis Yakobus bicara itu, Yesus pe utusan-utusan yang orang sebut rasul-rasul, deng penatua-penatua, sama-sama deng samua orang percaya di situ, ambe keputusan la mo utus babarapa orang dari dorang pigi di kota Antiokhia sama-sama deng Paulus deng Barnabas. Dorang pili pa Yudas yang orang jaga pangge Barsabas, deng pa Silas. Dorang dua itu, ada nama bae di orang-orang yang percaya.

Kisah Para Rasul 15:25

Karna itu, torang ambe keputusan pili babarapa orang kong utus pa dorang pigi pa ngoni. Dorang mo pigi sama-sama deng Paulus deng Barnabas yang torang sayang.

Kisah Para Rasul 15:4

Pe sampe di kota Yerusalem, rasul-rasul, penatua-penatua deng samua jemaat tarima deng bae pa dorang dua. Di situ, dorang dua kase carita samua yang Tuhan Allah so bantu dong dua biking.

Kisah Para Rasul 16:4

Abis itu, dorang bajalang dari kota ka kota. Dorang kase tau di jemaat-jemaat, keputusan-keputusan yang rasul-rasul deng penatua-penatua so biking di Yerusalem supaya jemaat-jemaat iko.

Kisah Para Rasul 21:18

Dia pe beso, Paulus deng torang pigi baku dapa deng Yakobus. Di sana, samua penatua so ada.

Kisah Para Rasul 6:2

Jadi, Yesus pe utusan-utusan yang orang sebut rasul-rasul, dorang dua blas orang itu pangge pa samua orang yang so percaya pa Tuhan Yesus bakumpul, kong dorang bilang bagini, “Torang dua blas orang ini pe tugas musti kase tau turus Kabar Bae dari Tuhan Allah pa orang-orang. So sala skali kalu torang berenti kase tau Kabar Bae, cuma gara-gara mo urus orang-orang pe makang deng minum saja.

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.