Kisah Para Rasul 15:5 - Perjanjian Baru Bahasa Melayu Maluku Utara

⁵ Tapi di situ ada babarapa orang percaya dari aliran fanatik yang pe nama Farisi. Dorang datang kong bilang bagini, “Orang-orang bukang Yahudi yang so jadi percaya pa Yesus, dorang lagi musti dapa sunat deng iko aturan-aturan di lima kitab Musa sama deng torang orang Yahudi.”

Kisah Para Rasul 15:5 ပူးပေါင်းရင်းမြစ်များ

Matius 3:7

Ada lagi banya orang Yahudi dari aliran Farisi deng aliran Saduki datang pa Yohanes la mo minta Yohanes baptis pa dorang. Tapi waktu Yohanes lia pa dorang, dia bilang, “Ee, ngoni orang-orang jahat. Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Kisah Para Rasul 15:1

Waktu Paulus deng Barnabas masi di kota Antiokhia, ada babarapa orang Yahudi yang percaya pa Yesus yang datang dari Yudea ka sana di Antiokhia. Dorang mangajar pa orang-orang percaya yang bukang Yahudi. Dorang bilang bagini, “Kalu ngoni tara dapa sunat iko aturan di lima kitab Musa, ngoni tara dapa slamat.”

Kisah Para Rasul 15:24

Torang tulis surat ini, barang torang dengar ada babarapa orang dari torang pe jemaat di Yerusalem yang so pigi pa ngoni. Kong dorang kase ajar pa ngoni deng dong pe ajaran sandiri yang biking bingung deng biking ngoni pe hati tara tenang. Padahal torang tara perna suru orang-orang itu pigi pa ngoni.

Kisah Para Rasul 21:20

Pe dengar Paulus bilang itu, penatua-penatua langsung puji pa Tuhan Allah. Pe abis itu, dorang bilang pa Paulus, “Bapa, torang mo kase tau, skarang ini orang Yahudi yang percaya pa Yesus so deng ribu, kong dorang itu masi tetap pegang kuat aturan di lima kitab Musa.

Kisah Para Rasul 24:14

Tapi biar bagitu me, kita mo bilang satu barang pa bapa. Kita jaga semba pa Tuhan Allah yang torang orang Yahudi pe orang tua dulu-dulu jaga semba. Kita semba pa Tuhan Allah itu iko ajaran yang Tuhan Yesus kase ajar, yang orang Yahudi laeng jaga bilang itu aliran yang tara butul. Padahal, sama deng dorang, kita percaya samua yang ada tatulis di lima kitab Musa deng di kitab yang nabi-nabi laeng tulis.

Kisah Para Rasul 24:5

Bagini bapa gubernur. Torang so lia deng mata kapala sandiri, orang ini bahaya. Di mana saja dia pigi, dia tukang kase kaco pa orang-orang Yahudi. Dia itu pemimpin dari aliran yang orang jaga bilang aliran Nasrani.

Kisah Para Rasul 28:22

Jadi skarang, torang mo dengar sandiri dari ngana tentang aliran Nasrani, yang torang tau di mana-mana orang-orang tara suka.”

Kisah Para Rasul 5:17

Waktu itu, agama Yahudi pe imam basar deng samua orang agama Yahudi dari aliran Saduki yang ada deng dia, dorang mangiri karna apa yang rasul-rasul biking.

1 Korintus 7:18

Conto bagini: kalu ada orang yang so sunat, tanda dia itu orang Yahudi, abis itu baru dia jadi percaya pa Tuhan Yesus yang pangge pa dia, jang dia manyangkal dia pe sunat itu, kata, dia tara jadi orang Yahudi lagi. Deng kalu ada orang yang bukang Yahudi yang so jadi percaya pa Tuhan Yesus, jang dia minta basunat sama deng orang Yahudi.

Galatia 2:11

Satu kali waktu Petrus datang di kota Antiokhia, kita togor pa dia tarang-tarang, barang apa yang dia biking itu sala.

Galatia 2:14

Yang dorang biking itu, kita lia tara baku cocok deng Kabar Bae tentang Yesus Kristus. Padahal, cuma Kabar Bae itu yang butul. Jadi kita bilang pa Petrus di samua orang pe muka, “Ngana orang Yahudi, tapi ngana so percaya pa Yesus Kristus, jadi ngana tara musti hidup iko aturan yang orang Yahudi jaga iko. Tapi bikiapa kong ngana paksa orang yang bukang Yahudi hidup iko agama Yahudi pe aturan-aturan untuk jadi percaya pa Yesus Kristus?”