Kisah Para Rasul 15:3 - Perjanjian Baru Bahasa Melayu Maluku Utara

³ Jemaat di Antiokhia antar pa dorang sampe di luar kota. Turus, dorang Paulus bajalang iko daera Fenisia deng daera Samaria. Di daera-daera itu, dorang kase carita pa orang-orang percaya tentang orang-orang bukang Yahudi di tampa laeng yang so bertobat kong jadi percaya pa Tuhan. Waktu orang-orang percaya di situ dengar kabar itu, dorang pe hati sanang skali.

Kisah Para Rasul 15:3 ပူးပေါင်းရင်းမြစ်များ

Lukas 15:32

Ngana pe ade sama deng orang yang so mati tapi so hidup ulang. Dia so ilang, tapi skarang torang so dapa ulang. Jadi skarang, pantas torang biking acara deng hati sanang.’ ”

Kisah Para Rasul 1:15

Satu kali bagini, waktu orang-orang yang percaya pa Yesus bakumpul sama-sama, dorang itu pe banya mangkali saratus dua pulu orang. Turus Petrus badiri pa dong pe tenga-tenga kong bilang,

Kisah Para Rasul 13:48

Waktu orang-orang bukang Yahudi dengar Paulus bilang bagitu, dorang sanang skali. Turus, dorang puji deng hormat pa Tuhan karna Tuhan pe ajaran itu. Abis itu, samua orang yang Tuhan Allah so pili mo dapa hidup deng Dia slama-lamanya, dorang itu jadi percaya.

Kisah Para Rasul 13:52

Tapi orang-orang percaya yang ada di kota Antiokhia sanang skali kong Roh Kudus kuasai pa dorang.

Kisah Para Rasul 14:27

Pe sampe di kota Antiokhia itu, Paulus deng Barnabas pangge jemaat samua bakumpul. Kong dorang dua kase tau samua yang Tuhan Allah so biking waktu dorang kase tau Kabar Bae tentang Yesus di dorang pe perjalanan. Dorang me carita, bagimana Tuhan Allah buka jalang supaya orang-orang bukang Yahudi jadi percaya pa Yesus.

Kisah Para Rasul 15:1

Waktu Paulus deng Barnabas masi di kota Antiokhia, ada babarapa orang Yahudi yang percaya pa Yesus yang datang dari Yudea ka sana di Antiokhia. Dorang mangajar pa orang-orang percaya yang bukang Yahudi. Dorang bilang bagini, “Kalu ngoni tara dapa sunat iko aturan di lima kitab Musa, ngoni tara dapa slamat.”

Kisah Para Rasul 15:12

Pe dengar bagitu, samua orang langsung badiam. Turus, dorang dengar Paulus deng Barnabas kase carita tentang samua mujizat deng tanda-tanda yang Tuhan Allah kase untuk dorang biking waktu dorang kase tau Kabar Bae pa orang-orang bukang Yahudi.

Kisah Para Rasul 15:22

Abis Yakobus bicara itu, Yesus pe utusan-utusan yang orang sebut rasul-rasul, deng penatua-penatua, sama-sama deng samua orang percaya di situ, ambe keputusan la mo utus babarapa orang dari dorang pigi di kota Antiokhia sama-sama deng Paulus deng Barnabas. Dorang pili pa Yudas yang orang jaga pangge Barsabas, deng pa Silas. Dorang dua itu, ada nama bae di orang-orang yang percaya.

Kisah Para Rasul 15:32

Yudas deng Silas itu nabi yang jaga kase turus Tuhan Allah pe pasáng. Dorang dua banya kase nasehat pa orang-orang percaya di kota Antiokhia untuk kase kuat dorang pe hati deng untuk biking dorang pe percaya lebe tamba kuat.

Kisah Para Rasul 15:4

Pe sampe di kota Yerusalem, rasul-rasul, penatua-penatua deng samua jemaat tarima deng bae pa dorang dua. Di situ, dorang dua kase carita samua yang Tuhan Allah so bantu dong dua biking.

Kisah Para Rasul 17:15

Babarapa orang percaya antar pa Paulus nae kapal sama-sama deng dia sampe di Atena. Abis itu, dorang bale lagi di Berea. Dorang bawa Paulus pe pasáng pa Silas deng Timotius, la dorang dua capat-capat baku iko pigi di kota Atena.

Kisah Para Rasul 20:38

Dong pe hati sedi skali, lebe-lebe lagi karna Paulus bilang, dorang so tara akan baku dapa deng dia lagi. Abis itu, dorang antar pa dia di kapal.

Kisah Para Rasul 21:5

Waktu kapal so mo barangkat, torang bale ulang di pante. Dorang samua yang percaya itu, termasuk dong pe bini deng ana-ana, antar pa torang sampe di luar kota. Bagitu so sampe di pinggir pante, torang samua berlutut kong berdoa.

Kisah Para Rasul 28:15

Orang-orang di kota Roma yang percaya pa Tuhan Yesus so dengar torang mo ka sana. Jadi dorang jemput pa torang. Ada yang jemput di kota yang pe nama Pasar Apius. Kong yang laeng jemput pa torang di kota satu yang pe nama Tiga Penginapan. Waktu Paulus lia pa dorang, dia bilang tarimakasi banya pa Tuhan Allah, kong dia pe hati lebe tamba kuat.

Kisah Para Rasul 8:14

Rasul-rasul yang di kota Yerusalem dengar, ada banya orang di daera Samaria yang so percaya Tuhan Allah pe firman tentang Yesus. Jadi, dorang utus pa Petrus deng Yohanes ka sana.

Roma 15:24

kita ada rencana mo pigi di Spanyol. Jadi bagus kita singga dulu pa ngoni, supaya kita pe hati jadi sanang sama-sama deng ngoni biar tara lama. Turus abis itu, kita harap ngoni bantu pa kita pigi di Spanyol.

1 Korintus 16:11

Jadi, jang ada dari ngoni yang pandang enteng pa Timotius! Tapi ngoni tolong pa dia, supaya dia bole kase turus dia pe perjalanan deng slamat, sampe dia bole bale ulang pa kita. Karna kita di sini ada tunggu pa dia sama-sama deng torang pe sudara-sudara laeng yang percaya.

1 Korintus 16:6

Kong di Korintus, kita mo tinggal sadiki lama deng ngoni atau mungkin kita mo tinggal di situ selama musim dingin, supaya abis musim dingin ngoni bole bantu pa kita untuk kase turus kita pe perjalanan di mana kita mo pigi.

2 Korintus 1:16

Jadi, waktu kita rencana mo pigi di daera Makedonia, kita mo singga dulu lia pa ngoni di kota Korintus. Abis itu, baru kita turus pigi di Makedonia. Pulang dari Makedonia, kita mo singga lagi pa ngoni di Korintus. Deng bagitu, ngoni bisa bantu kita pe perlu supaya kita bisa kase turus kita pe perjalanan di daera Yudea.

Titus 3:13

Ngana me berusaha suda tolong pa Zenas ahli hukum itu deng pa Apolos, supaya dong dua bisa barangkat deng tara kurang apa-apa di jalang.