Kisah Para Rasul 14:5 - Perjanjian Baru Bahasa Melayu Maluku Utara

⁵ Dia pe ahir kabawa, dorang orang-orang Yahudi, deng dong pe pemimpin-pemimpin, sama-sama deng orang-orang bukang Yahudi ambe keputusan la mo siksa pa Paulus deng Barnabas deng mo lempar deng batu pa dong dua itu sampe mati.

Kisah Para Rasul 14:5 ပူးပေါင်းရင်းမြစ်များ

Kisah Para Rasul 14:19

Tapi waktu itu, orang-orang Yahudi dari kota Antiokhia deng Ikonium datang. Di situ, dorang kase-kase panas pa orang banya itu sampe dong iko pa dorang lempar pa Paulus deng batu. Abis itu, dorang hela pa dia bawa di luar kota, barang dorang kira dia so mati.

2 Timotius 3:11

Ngana tau bagimana orang-orang siksa pa kita di kota Antiokhia, kota Ikonium deng kota Listra sampe kita menderita skali. Tapi Tuhan kase lapas pa kita dari siksa itu samua.

Kisah Para Rasul 17:5

Tapi orang-orang Yahudi yang laeng mangiri pa Paulus deng Silas. Karna itu, dorang kumpul orang-orang yang jahat dari pusat kota untuk biking kelompok tukang kase kaco. Kong dorang itu biking kaco kota. Turus, dorang pigi serbu pa Yason pe ruma mo cari pa Paulus deng Silas yang tinggal di situ, la mo urus pa dong dua di orang banya pe muka.

Lukas 6:28

Berdoa minta Tuhan kase yang bae pa orang yang kutuk pa ngoni, deng berdoa lagi untuk orang yang jahat pa ngoni.

Matius 5:44

Tapi Kita mo bilang pa ngoni e, ngoni musti sayang pa ngoni pe musu-musu, deng ngoni musti kase berdoa pa orang-orang yang jaga siksa pa ngoni.

Kisah Para Rasul 13:45

Tapi waktu orang-orang Yahudi lia orang banya itu, dorang jadi mangiri pa Paulus deng Barnabas. Kong dorang mulai bahina deng malawang samua yang Paulus jaga bilang.

Kisah Para Rasul 13:50

Tapi orang-orang Yahudi malawang pa Tuhan pe Firman. Dorang pengaru pa pejabat-pejabat di kota itu deng pa parampuang-parampuang kaya yang baibada supaya dorang siksa pa Paulus deng Barnabas kong user pa dorang dari daera itu.

Kisah Para Rasul 14:2

Tapi, ada babarapa orang Yahudi yang tara tarima Paulus deng Barnabas pe ajaran. Turus dorang mulai pengaru pa orang-orang yang bukang Yahudi, la dorang malawang pa orang-orang yang so percaya itu.

Kisah Para Rasul 14:4

Tapi orang banya di kota itu so tabage dua. Ada yang iko pa orang-orang Yahudi yang tara percaya, deng ada yang iko pa dorang dua itu.

2 Korintus 11:26

So ulang-ulang kita pigi ka mana-mana kase tau Kabar Bae tentang Yesus Kristus, banya kali bahaya yang kita dapa yang biking kita amper mati macam deng bagini: kita dapa banjir, kita dapa rampok, kita dapa tantang dari orang-orang satu bangsa deng kita deng dari orang-orang yang bukang Yahudi lagi. Kita mangada lagi bahaya yang ada di kota deng bahaya di padang gurun, bahaya di laut, deng bahaya dari orang-orang yang bilang dong percaya pa Tuhan Yesus, padahal tarada.

1 Tesalonika 2:2

Ngoni me tau, waktu torang bolong datang pa ngoni, torang dapa siksa deng dapa hina di kota Filipi. Tapi biar ada orang yang tantang Kabar Bae itu, Tuhan Allah tetap tolong pa torang sampe torang me barani kase tau Kabar Bae dari Tuhan Allah pa ngoni.

1 Tesalonika 2:14

Sudara-sudara, ngoni so dapa siksa dari ngoni pe sudara satu bangsa di kota Tesalonika. Itu sama deng orang Yahudi yang percaya pa Kristus Yesus di daera Yudea yang dapa siksa dari dorang pe orang sandiri.

1 Tesalonika 2:16

Dorang itu yang berusaha supaya torang jang kase tau Kabar Bae pa orang-orang yang bukang Yahudi. Dorang tara mau orang tarima Kabar Bae supaya slamat. Deng bagitu dorang pe dosa lebe tatamba banya, sampe satu waktu yang Tuhan Allah bilang so cukup suda dong pe dosa. Di situ baru dorang dapa hukum yang barát dari Tuhan Allah.