Kisah Para Rasul 13:23 - Perjanjian Baru Bahasa Melayu Maluku Utara

²³ Sudara-sudara yang percaya, dari Daud pe turunan itu suda, Tuhan Allah so pili satu Orang untuk torang orang Israel yang akan kase slamat pa manusia, sama deng Tuhan Allah janji dari dulu. Dia itu suda Yesus.

Kisah Para Rasul 13:23 ပူးပေါင်းရင်းမြစ်များ

Matius 1:1

Yesus Kristus itu turunan dari raja Daud deng bapa Abraham. Ini Dia pe orang tua dulu-dulu pe nama-nama:

Matius 1:21

Maria mo melahirkan ana laki-laki satu. Kong ngana musti kase nama pa ana itu Yesus, barang Dia itu nanti yang mo kase slamat pa Dia pe umat dari dorang pe dosa-dosa.”

Matius 21:9

Orang banya yang bajalang pa Yesus pe muka deng yang iko dari balakang, puji pa Dia deng suara kuat, dong bilang bagini, “Hosana! Puji pa Dia, raja Daud pe turunan! Puji pa Dia yang Tuhan Allah so utus datang kamari! Hosana! Puji pa Tuhan Allah yang Paling Tinggi!”

Matius 22:42

“Coba ngoni bilang pa Kita, apa ngoni pe pendapat tentang Mesias, Raja yang Tuhan Allah janji, Dia itu sapa pe turunan?” Kong dorang jawab pa Yesus, “Dia itu raja Daud pe turunan.”

Lukas 1:69

Dia so utus satu Orang yang hebat untuk kase slamat pa torang. Orang itu raja Daud pe turunan. Raja Daud itu orang yang jaga biking apa yang Tuhan Allah suru.

Yohanes 4:42

Dorang bilang pa parampuang itu, “Torang skarang percaya bukang cuma karna dengar apa yang ngana bilang, tapi karna torang sandiri so dengar dari Dia langsung kong torang so tau Dia itu memang butul-butul Orang yang mo kase slamat pa manusia dari dosa-dosa.”

Yohanes 7:42

Di Kitab Suci ada bilang, nanti Mesias mo datang dari raja Daud pe turunan, kong dari kota kacil Betlehem di daera Yudea, raja Daud pe asal.”

Kisah Para Rasul 13:32

Jadi, skarang ini torang dua mo kase tau Kabar Bae tentang Yesus Kristus pa ngoni. Kabar Bae itu, yang Tuhan Allah janji pa torang pe orang tua dulu-dulu.

Kisah Para Rasul 2:30

Raja Daud itu nabi yang kase turus Tuhan Allah pe pasáng, jadi dia tau Tuhan Allah so bajanji pa dia deng basumpa, satu orang dari Daud pe turunan mo jadi Raja, deng pasti mo jadi.

Kisah Para Rasul 3:26

Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”

Kisah Para Rasul 4:12

Jadi, cuma Yesus saja yang bisa kase slamat pa manusia, karna di seluru dunia, cuma Dia saja yang Tuhan Allah pili untuk kase slamat pa manusia. Tara ada yang laeng.”

Roma 1:3

Kabar Bae itu tentang Anak Allah yang datang di dunia sebagai manusia, Dia lahir dari raja Daud pe turunan.

Roma 11:26

Kalu orang bukang Yahudi so percaya pa Yesus Kristus, itu baru samua orang Yahudi me akan jadi percaya kong dapa slamat dari dosa-dosa. Dorang mo dapa slamat itu, barang ada tatulis di Kitab Suci bagini, “Nanti ada satu Orang yang datang kase slamat pa orang-orang, Dia datang dari gunung Sion. Dia mo hapus orang Yahudi pe kajahatan, orang Yahudi itu, Yakub pe turunan.”

Titus 1:4

Titus, torang dua sama-sama percaya pa Yesus Kristus, jadi kita anggap ngana so sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus yang kase slamat pa manusia, supaya kase yang bae pa ngana, deng salalu biking ngana pe hati tetap tenang.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

2 Petrus 1:11

Deng bagitu, nanti Tuhan Allah akan buka pintu sorga untuk ngoni, Dia akan tarima pa ngoni di Tuhan Yesus Kristus pe tampa berkuasa sebagai Raja. Tuhan Yesus Kristus itu yang kase slamat pa torang, deng Dia itu yang jadi Raja slama-lamanya.

2 Petrus 2:20

Kita pe maksut, kalu dorang itu so kanal pa Yesus Kristus torang pe Tuhan deng Juruslamat, dorang me so lapas dari dunia pe mau yang jahat. Tapi kalu dorang bale ulang untuk iko keinginan-keinginan yang jahat itu, dorang pe keadaan nanti mo lebe soe dari yang pertama.

2 Petrus 3:18

Lebe bae tiap hari ngoni tamba sadar Yesus Kristus pe bae deng lebe tamba kanal pa Dia. Dia itu torang pe Tuhan Yesus Kristus yang kase slamat pa torang dari dosa-dosa. Kong untuk Dia suda puji deng hormat dari skarang sampe slama-lamanya. Amin.

2 Petrus 3:2

Ngoni musti inga Tuhan Allah pe pasáng yang dulu Dia pe nabi-nabi so perna kase tau. Ngoni me musti inga parenta dari torang pe Tuhan Yesus yang kase slamat pa torang. Parenta itu, Yesus pe utusan-utusan yang orang sebut rasul ada kase tau pa ngoni.

1 Yohanes 4:14

Torang ini so lia pa Anak Allah deng torang pe mata kapala sandiri kong so kase tau pa ngoni, butul Tuhan Allah torang pe Bapa so utus Dia pe Anak untuk kase slamat pa manusia yang ada di dunia ini.

Yudas 1:25

Jadi puji deng hormat suda pa Tuhan Allah, Dia itu cuma satu. Dia yang kase slamat pa torang dari torang pe dosa karna Yesus Kristus torang pe Tuhan. Tuhan Allah pe kuasa paling basar, tara ada yang bisa lawan, deng Dia yang berkuasa untuk ator samua-samua yang ada di dunia ini. Dia tetap bagitu, mulai dari dunia ini bolong ada, skarang deng sampe slama-lamanya. Amin.

Wahyu 22:16

Yesus bilang lagi, “Kita ini Yesus. Kita so utus Kita pe malaekat untuk kase tau samua hal yang mo jadi ini pa ngoni, la ngoni me kase tau ini pa jemaat-jemaat. Kita ini raja Daud pe turunan. Kita ini sama deng bintang yang paling tarang yang basinar kalu so amper siang di sabla timur.”