Kisah Para Rasul 13:14 - Perjanjian Baru Bahasa Melayu Maluku Utara

¹⁴ Kong dari Perga, Paulus deng dia pe tamang-tamang bajalang turus sampe di kota Antiokhia di daera Pisidia. Waktu hari Sabat, dorang maso di ruma ibada agama Yahudi kong dorang dudu di situ.

Kisah Para Rasul 13:14 ပူးပေါင်းရင်းမြစ်များ

Lukas 4:16

Satu kali, Yesus pigi di kampong Nazaret. Dari kacil sampe basar Dia di kampong itu. Kong pas hari Sabat, Dia maso di ruma ibada agama Yahudi, sama deng Dia pe biasa. Dia badiri di muka la mo baca Kitab Suci.

Kisah Para Rasul 13:42

Abis bicara bagitu, Paulus deng Barnabas bajalang kaluar dari ruma ibada itu. Tapi orang-orang di situ minta pa dorang bale ulang minggu muka la mo bicara hal-hal itu lagi.

Kisah Para Rasul 13:44

Dia pe minggu muka pas hari Sabat, amper samua orang yang ada di kota Antiokhia datang bakumpul untuk dengar Tuhan Allah pe firman dari Paulus deng Barnabas.

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

Kisah Para Rasul 13:5

Pe sampe di kota Salamis di pulo Siprus, dorang dua kase tau Tuhan Allah pe Kabar Bae tentang Yesus Kristus di ruma-ruma ibada agama Yahudi. Waktu itu, Yohanes yang orang jaga pangge Markus iko supaya bantu-bantu pa dorang.

Kisah Para Rasul 14:19

Tapi waktu itu, orang-orang Yahudi dari kota Antiokhia deng Ikonium datang. Di situ, dorang kase-kase panas pa orang banya itu sampe dong iko pa dorang lempar pa Paulus deng batu. Abis itu, dorang hela pa dia bawa di luar kota, barang dorang kira dia so mati.

Kisah Para Rasul 16:13

Waktu hari Sabat, torang kaluar dari kota, iko pintu gerbang. Torang bajalang iko pinggir-pinggir kali la mo cari orang Yahudi pe tampa berdoa yang torang pikir ada di situ. Waktu torang sampe di situ, torang baku dapa deng babarapa parampuang. Turus torang dudu kong tong kase carita tentang Tuhan Yesus pa dorang.

Kisah Para Rasul 17:2

Kong sama deng biasa, Paulus maso di ruma ibada agama Yahudi itu. Di situ dia baca Kitab Suci di orang banya pe muka, bagian-bagian di mana Tuhan Allah janji mo utus satu Raja yang dong bilang Mesias. Abis dia baca, dia badiskusi deng dorang. Paulus biking bagitu tiga kali hari Sabat.

Kisah Para Rasul 18:4

Tiap hari Sabat, Paulus bacarita deng orang-orang Yahudi deng Yunani di ruma ibada agama Yahudi. Dia berusaha la dorang jadi percaya pa Yesus.

Kisah Para Rasul 19:8

Paulus tinggal di Efesus selama tiga bulan. Dia jaga maso di ruma ibada agama Yahudi deng dia barani bicara pa orang-orang Yahudi di situ. Dia berusaha kase yakin pa dorang tentang bagimana mo jadi Tuhan Allah pe umat la Tuhan Allah Berkuasa sebagai Raja pa dorang pe hidup.

Kisah Para Rasul 9:20

Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.

2 Timotius 3:11

Ngana tau bagimana orang-orang siksa pa kita di kota Antiokhia, kota Ikonium deng kota Listra sampe kita menderita skali. Tapi Tuhan kase lapas pa kita dari siksa itu samua.