Kisah Para Rasul 13:11 - Perjanjian Baru Bahasa Melayu Maluku Utara

¹¹ Skarang, Tuhan hukum pa ngana. Ngana jadi buta suda, kong sampe babarapa hari ngana tara mo dapa lia cahaya matahari.” Waktu itu suda, Baryesus langsung buta, sama deng awan tutu pa dia sampe dia lia cuma galap saja. Dia baraba-raba cari orang yang mo pegang dia pe tangan la tunda pa dia.

Kisah Para Rasul 13:11 ပူးပေါင်းရင်းမြစ်များ

Yohanes 9:39

Kong Yesus bilang, “Kita datang di dunia ini supaya kase tunju sapa yang butul deng sapa yang sala. Orang yang bolong kanal pa Tuhan Allah, Kita kase kanal Tuhan Allah pa dorang supaya dorang jadi sama deng orang buta yang bole dapa lia. Kong orang yang bilang kata, dong sandiri so kanal Tuhan Allah, dorang akan jadi sama deng orang buta.”

Kisah Para Rasul 9:17

Turus, Ananias pigi di ruma yang Saulus tinggal, kong maso di situ. Pe baku dapa deng Saulus, Ananias taru dia pe tangan di atas pa Saulus kong bilang, “Saulus, kita pe sudara. Tuhan Yesus yang suru pa kita datang kamari. Dia itu yang kase tunju Dia pe diri pa ngana di tenga jalang waktu ngana mo datang kamari. Dia suru pa kita datang pa ngana la ngana bole dapa lia ulang, deng Roh Kudus mo kuasai pa ngana.”

Roma 11:25

Sudara-sudara yang percaya yang bukang orang Yahudi, kita mo kase tau pa ngoni Tuhan Allah pe rencana yang bolong ada orang yang tau. Kita mo kase tau supaya jang ngoni baanggap diri pande. Ini Tuhan Allah pe rencana: biar skarang banya orang Yahudi tara mo percaya pa Yesus Kristus, tapi dorang tara akan bagitu turus. Dorang pe kapala batu itu cuma sampe di waktu samua orang bukang Yahudi yang Tuhan Allah so pili jadi percaya.

Ibrani 10:31

Ii, pe dengar Tuhan Allah bilang itu, torang jadi tako skali kalu mo dapa hukum dari Tuhan Allah yang hidup!

2 Petrus 2:17

Guru-guru palsu pe ajaran itu tara ada guna. Dorang sama deng mata aer yang so kiring, sama lagi deng awan galap yang tara jadi ujang karna angin so tiop. Tuhan Allah so kase sadia tampa yang paling galap untuk hukum pa dorang.