Kisah Para Rasul 13:10 - Perjanjian Baru Bahasa Melayu Maluku Utara

¹⁰ kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

Kisah Para Rasul 13:10 ပူးပေါင်းရင်းမြစ်များ

Matius 13:38

Kalu kobong itu, sama deng dunia. Turus, bibit yang bagus itu, sama deng orang-orang yang Tuhan Allah so Berkuasa sebagai Raja pa dorang. Tapi bibit kusu-kusu itu, sama deng orang-orang yang iko pa Iblis, setang-setang pe raja.

Matius 15:19

Barang, dari manusia pe dalam hati, timbul samua yang jahat: pikiran yang jahat, bunu orang, baku suka deng orang yang bukang dia pe laki atau dia pe bini, baseks sabarang, bapancuri, jadi saksi yang tara butul, deng kase tara bae orang pe nama.

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Matius 3:7

Ada lagi banya orang Yahudi dari aliran Farisi deng aliran Saduki datang pa Yohanes la mo minta Yohanes baptis pa dorang. Tapi waktu Yohanes lia pa dorang, dia bilang, “Ee, ngoni orang-orang jahat. Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Lukas 11:39

Tapi Tuhan Yesus bilang pa dia bagini, “Memang ngoni orang-orang Farisi. Dari luar, dapa lia ngoni rajin biking aturan agama, padahal di ngoni pe hati, ngoni ingin rampas orang laeng pe barang deng ngoni jahat skali. Itu sama deng orang yang jaga kase bersi galas deng piring cuma di luar, padahal bagian dalam kotor skali.

Lukas 11:52

Cilaka suda ngoni guru-guru agama Yahudi yang ahli lima kitab Musa! Ngoni tau cara mo iko pa Tuhan tapi ngoni sandiri tara iko itu. Ngoni me jaga halangi pa orang laeng yang mo iko pa Tuhan. Itu sama deng ngoni ada pegang kunci pintu tapi ngoni cuma simpang kunci itu.”

Yohanes 1:23

Turus Yohanes kase tau pa dorang, “Kita ini suda yang nabi Yesaya bilang mo datang waktu dia kase turus Tuhan Allah pe pasáng bagini, ‘Nanti akan ada orang yang mo bicara kuat-kuat di padang gurun bagini: kase lurus jalang la sambut pa Tuhan!’ ”

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Kisah Para Rasul 20:30

Mala dari ngoni sandiri nanti ada yang mo ajar ajaran yang tara butul supaya orang-orang yang percaya pa Tuhan Yesus jadi tara percaya lagi kong iko pa dorang.

2 Korintus 11:3

Tapi kita tako jang sampe ada yang pengaru pa ngoni deng dong pe ajaran yang sala sampe ngoni so tara percaya lagi pa Yesus Kristus deng hati yang sunggu-sunggu. Itu sama deng Hawa dulu yang dapa tipu dari ular sampe malawang Tuhan Allah pe parenta karna ular pe putar bale itu.

Galatia 1:7

Sebenarnya tarada jalang laeng untuk dapa slamat. Tapi ada orang yang kase putar bale Kabar Bae yang butul tentang Yesus Kristus sampe dong biking ngoni pe pikiran jadi kaco.

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

2 Petrus 2:15

Guru-guru palsu itu so tara iko Tuhan Allah pe ajaran, jadi dorang so tara butul. Dorang so iko conto nabi dulu-dulu, yang dia pe nama Bileam. Bileam ini Beor pe ana. Dia suka biking barang yang jahat, yang penting dapa doi.

1 Yohanes 3:8

Tapi sapa yang biking dosa turus, dia itu Iblis pe ana, karna Iblis itu jaga biking dosa dari dulu. Jadi Yesus Anak Allah itu datang untuk kase ancor samua yang Iblis biking.