Kisah Para Rasul 13:1 - Perjanjian Baru Bahasa Melayu Maluku Utara

¹ Di jemaat yang ada di kota Antiokhia itu, ada babarapa orang yang Tuhan Allah pake untuk jaga kase turus Dia pe pasáng deng untuk jaga mangajar tentang Yesus pa orang-orang. Dorang itu: Barnabas, Simeon (yang orang jaga pangge Niger), Lukius (orang Kirene), Menahem (yang dapa piara dari kacil sama-sama deng raja Herodes), deng Saulus.

Kisah Para Rasul 13:1 ပူးပေါင်းရင်းမြစ်များ

Matius 27:32

Waktu tentara-tentara bawa pa Yesus kaluar dari kota Yerusalem itu, dorang baku dapa deng satu orang dia pe nama Simon. Simon ini orang Kirene. Kong tentara-tentara itu paksa pa Simon la pikul Yesus pe salib.

Lukas 3:1

Tiberius so jadi raja basar Roma, kong waktu maso taong kelima blas, Pontius Pilatus yang jadi gubernur di daera Yudea, deng Herodes jadi raja di daera Galilea, Herodes pe sudara nama Filipus jadi raja di daera Iturea deng daera Trakhonitis, turus Lisanias jadi raja di daera Abilene.

Kisah Para Rasul 11:30

Abis kumpul doi itu, dorang tunju pa Barnabas deng Saulus bawa doi itu la kase pa penatua-penatua di daera Yudea.

Kisah Para Rasul 12:25

Waktu Barnabas deng Saulus so abis bawa sumbangan di Yerusalem, dorang bale ulang di kota Antiokhia. Dorang ada bawa satu orang yang pe nama Yohanes, yang orang jaga pangge Markus.

Kisah Para Rasul 13:9

Tapi Roh Kudus kuasai pa Saulus yang dorang jaga pangge Paulus. Turus Paulus haga pa dia

Kisah Para Rasul 15:32

Yudas deng Silas itu nabi yang jaga kase turus Tuhan Allah pe pasáng. Dorang dua banya kase nasehat pa orang-orang percaya di kota Antiokhia untuk kase kuat dorang pe hati deng untuk biking dorang pe percaya lebe tamba kuat.

Kisah Para Rasul 15:35

Paulus deng Barnabas me tinggal sadiki lama di Antiokhia. Dorang dua deng babarapa orang laeng me mangajar deng kase tau Tuhan pe Firman di situ.

Kisah Para Rasul 19:6

Kong waktu Paulus berdoa, dia taru dia pe tangan pa dong pe di atas kapala, turus Roh Kudus turung pa dorang sampe dorang bicara pake bahasa yang Roh Kudus kase. Roh Kudus me pake pa dorang untuk kase tau Tuhan Allah pe pasáng pa orang-orang di situ.

Kisah Para Rasul 21:9

Filipus pe ana parampuang yang masi nona-nona ada ampa orang. Dorang ampa itu Tuhan Allah salalu pake untuk kase tau Dia pe pasáng pa orang-orang tentang apa yang mo jadi nanti.

Kisah Para Rasul 4:36

Kong itu lagi yang Yusuf biking. Yusuf itu dari suku Lewi, lahir di pulo Siprus. (Rasul-rasul itu kase nama pa dia ‘Barnabas’, yang pe arti, ‘orang yang suka kase smangat pa orang laeng.’)

Kisah Para Rasul 9:1

Sementara itu, Saulus masi turus ancam mo bunu pa orang-orang yang percaya pa Tuhan Yesus. Dia pigi mangada pa imam basar,

Roma 16:21

Timotius kita pe tamang karja, ada kirim salam pa ngoni. Deng ada salam dari Lukius, Yason deng Sosipater, kita pe tamang-tamang yang sama-sama orang Yahudi.

1 Korintus 11:4

Jadi, kalu ngoni jemaat bakumpul, tiap laki-laki yang berdoa atau yang kase turus pasáng yang Tuhan Allah kase pa dia, kong dia pake panutu kapala, itu dia so kase malu pa Yesus Kristus, sebagai dia pe Kapala.

1 Korintus 13:2

Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna.

1 Korintus 13:8

Sayang itu akan ada sampe slama-lamanya. Tapi karunia untuk kase tau Tuhan Allah pe pasáng, itu nanti so tara ada lagi. Kong karunia untuk bicara deng bahasa roh, itu akan berenti. Bagitu lagi deng karunia untuk tau samua hal, nanti mo ilang.

1 Korintus 14:29

Bagitu lagi deng orang yang ada karunia untuk kase turus pasáng dari Tuhan Allah, lebe bae cuma dua atau tiga orang saja yang kase turus pasáng itu pa jemaat. Kong yang laeng, pikir bae-bae apa yang dorang bilang itu.

1 Korintus 14:32

Orang yang dapa karunia untuk kase turus pasáng dari Tuhan Allah, dia bisa kontrol dia pe diri waktu kase tau pasáng itu, dia bisa tau tempo apa mo bicara, deng tempo apa mo berenti.

1 Korintus 9:6

Atau ngoni kira kata, cuma kita deng Barnabas saja yang musti karja di luar pelayanan untuk dapa torang pe hidup hari-hari, kong rasul-rasul yang laeng tarada?

Galatia 2:13

Orang-orang Yahudi laeng lagi yang so percaya pa Yesus Kristus, dorang me munafik sama deng Petrus. Dorang tara mau makang lagi deng orang bukang Yahudi, sampe Barnabas me so tapengaru jadi munafik sama deng dorang itu.

Galatia 2:9

Yakobus, Petrus deng Yohanes yang orang-orang jaga anggap pemimpin-pemimpin jemaat itu, waktu dorang sandiri jadi sadar Tuhan Allah so kase pa kita tugas kusus itu, dorang pegang tangan pa kita deng pa Barnabas. Dorang pegang tangan itu, jadi tanda dorang satu hati deng torang. Turus, dorang lagi setuju, kita deng Barnabas tetap kase tau Kabar Bae pa orang-orang yang bukang Yahudi, baru dorang tiga itu tetap kase tau Kabar Bae pa orang-orang Yahudi.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Filipi 4:22

Salam untuk ngoni dari samua orang yang so jadi Tuhan Allah pe umat yang ada di sini, lebe kusus lagi ada salam dari Tuhan pe umat yang karja di raja basar Roma pe istana.

1 Tesalonika 5:20

Kalu Tuhan kase tau Dia pe pasáng pa orang kong orang itu kase tau pasáng itu pa ngoni, jang ngoni pandang enteng pasáng itu.