Kisah Para Rasul 12:7 - Perjanjian Baru Bahasa Melayu Maluku Utara

⁷ kage-kage Tuhan pe malaekat badiri di Petrus pe pinggir, kong penjara itu jadi tarang skali. Turus, dia kore pa Petrus kase bangun, dia bilang, “Petrus, bangun suda capat!” Pe abis malaekat bilang bagitu, rante yang dong kase ika pa Petrus pe tangan itu langsung talapas.

Kisah Para Rasul 12:7 ပူးပေါင်းရင်းမြစ်များ

Matius 2:13

Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, “Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.”

Lukas 2:9

Kage-kage dorang dapa lia Tuhan Allah pe malaekat kase tunju dia pe diri pa dorang. Turus, Tuhan Allah pe cahaya yang luar biasa basinar tutu pa dorang, kong dong tako skali.

Lukas 24:4

Sementara dorang bingung karna samua itu, kage-kage ada dua orang yang pake baju mangkilat badiri di dekat pa dorang.

Kisah Para Rasul 10:30

Kornelius bilang pa dia, “Ampa hari lalu, kira-kira sama deng skarang ini jam tiga sore, kita ada berdoa di kita pe ruma. Kage-kage ada satu orang badiri pa kita pe muka. Orang itu pe baju bacahaya skali.

Kisah Para Rasul 12:23

Waktu itu, Herodes kase biar dorang puji deng hormat pa dia. Dia tara bilang dorang musti puji deng hormat pa Tuhan Allah. Jadi, waktu itu suda Tuhan pe malaekat tampeleng pa Herodes, kong cacing-cacing makang pa dia sampe mati.

Kisah Para Rasul 12:6

Di dalam penjara, Petrus tidor di tentara dua pe tenga-tenga, dia pe tangan ada dapa ika deng rante besi sama-sama deng tentara dua itu pe tangan. Baru ada tentara-tentara laeng lagi yang bajaga di pintu gerbang pe muka. Kong malam itu suda yang dia pe beso raja Herodes mo urus pa Petrus di muka orang banya,

Kisah Para Rasul 12:8

Abis itu, malaekat bilang pa Petrus, “Pake suda ngana pe baju deng spatu.” Turus Petrus biking sama deng yang malaekat itu suru pa dia. Abis itu, malaekat bilang lagi pa dia, “Pake ngana pe juba kong iko pa kita.”

Kisah Para Rasul 16:26

Kage-kage, ada tana goyang kuat skali sampe penjara pe fandasi-fandasi me tagoyang. Kong, waktu itu suda, penjara pe pintu-pintu samua tabuka, deng rante-rante yang ika pa orang-orang tahanan me talapas.

Kisah Para Rasul 2:24

Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.

Kisah Para Rasul 5:19

Tapi dia pe malam itu saja, Tuhan pe malaekat satu datang kong buka penjara pe pintu-pintu, turus bawa pa dorang kaluar. Dia bilang,

Kisah Para Rasul 9:3

Waktu Saulus so dapa surat itu, dia pigi di Damsyik. Waktu dia so dekat di kota itu, kage-kage ada cahaya dari langit tarang skali kuliling pa dia.

Efesus 5:14

Itu dia pe sebab sampe ada orang yang bilang bagini, “Ee ngoni yang masi tidor, bangun suda, ngoni ini sama deng orang yang so mati, ngoni musti hidup ulang. Barang, Yesus Kristus mo kase tarang ngoni pe hati.”

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Wahyu 18:1

Abis itu, kita lia ada malaekat satu yang laeng, turung dari sorga. Dia ada kuasa basar deng dia pe cahaya luar biasa sampe dunia ini jadi tarang.