Kisah Para Rasul 12:3 - Perjanjian Baru Bahasa Melayu Maluku Utara

³ Waktu raja Herodes lia apa yang dia biking itu biking pemimpin-pemimpin agama Yahudi pe hati sanang, dia suru tangka lagi pa Petrus. Waktu itu, pas di hari raya Roti Tara Pake Ragi.

Kisah Para Rasul 12:3 ပူးပေါင်းရင်းမြစ်များ

Matius 26:17

Di hari pertama waktu dorang biking hari raya Roti Tara Pake Ragi, Yesus pe murit-murit datang pa Dia kong batanya, “Guru, di mana Guru mau torang kase sadia makanang hari raya Paska untuk torang makang sama-sama?”

Yohanes 12:43

Barang, pemimpin-pemimpin agama Yahudi lebe suka manusia puji deng hormat pa dorang daripada Tuhan Allah yang puji deng hormat.

Yohanes 19:11

Kong Yesus bilang pa dia, “Bapa memang ada kuasa pa Kita, tapi itu cuma Tuhan Allah yang kase kuasa itu pa bapa. Jadi, orang yang serakan Kita pa bapa, orang itu pe dosa lebe basar dari bapa pe dosa.”

Yohanes 21:18

Inga bae-bae yang Kita mo bilang ini. Waktu ngana masi muda, ngana pake baju sandiri deng ngana bajalang ka mana saja ngana suka. Tapi kalu ngana so jadi tua, ngana mo kase ngana pe tangan kong orang mo ika, turus bawa pa ngana di tampa yang ngana tara suka mo pigi.”

Kisah Para Rasul 12:4

Abis tangka pa Petrus, raja Herodes suru kase maso pa dia di penjara, kong suru tentara ampa regu baku ganti-ganti jaga pa Petrus. Tiap regu ada ampa tentara. Nanti kalu agama Yahudi pe hari raya Paska so abis, baru raja Herodes pe rencana mo urus pa Petrus di orang banya pe muka.

Kisah Para Rasul 2:14

Abis itu, Petrus deng Yesus pe seblas utusan yang laeng itu badiri. Dorang itu orang sebut rasul-rasul. Kong Petrus bicara kuat-kuat pa orang banya itu, “Ee, sudara-sudara orang Yahudi deng ngoni samua yang tinggal di Yerusalem! Dengar bae-bae, kita mo kase tau pa ngoni apa yang jadi di sini.

Kisah Para Rasul 20:6

Torang bajalang sampe di kota Filipi di daera Makedonia. Bagitu so abis hari raya Roti Tara Pake Ragi, torang balayar dari Filipi lima hari baru sampe di kota Troas. Di Troas, torang bagabung deng orang-orang yang pigi lebe kamuka, kong tinggal di sana selama tuju hari.

Kisah Para Rasul 24:27

Pe lewat dua taong, gubernur Feliks pe masa karja abis. Kong yang ganti pa dia jadi gubernur itu, Perkius Festus. Tapi Feliks kase biar pa Paulus di penjara, barang dia mo ambe hati pa orang-orang Yahudi.

Kisah Para Rasul 25:9

Tapi gubernur Festus suka mo baambe hati pa orang-orang Yahudi, jadi dia tanya pa Paulus, “Paulus, ngana siap pigi di Yerusalem la kita urus ngana pe perkara di sana?”

Kisah Para Rasul 4:13

Orang-orang yang urus Petrus deng Yohanes pe perkara itu jadi herang, karna dorang lia Petrus deng Yohanes barani skali bicara. Apalagi dorang tau dong dua itu orang biasa yang tara skola. Dari situ baru dorang kanal, dua orang itu yang jaga iko-iko pa Yesus.

Galatia 1:10

Kita bilang bagitu, kita tara maksut supaya dapa puji dari manusia. Tapi kita cuma suka cari dapa puji dari Tuhan Allah. Mangkali ada dari ngoni yang pikir, kita cuma mo biking sanang manusia pe hati? Tarada kasiang. Kalu saja kita cuma suka mo biking sanang manusia pe hati, itu berarti, kita ini bukang orang yang jaga biking apa yang Yesus Kristus suru.

1 Tesalonika 2:4

Mala, torang kase tau pa ngoni Kabar Bae itu karna Tuhan Allah lia torang pantas kase tau itu, jadi Dia kase percaya itu pa torang. Biar ada orang yang tara sanang deng Kabar Bae itu, torang tetap kase tau saja, karna yang penting Tuhan Allah yang rasa sanang! Barang, Dia yang uji torang pe hati.