Kisah Para Rasul 11:2 - Perjanjian Baru Bahasa Melayu Maluku Utara

² Jadi, waktu Petrus pulang di Yerusalem di daera Yudea, babarapa orang Yahudi di sana kase sala pa Petrus. Dorang itu so percaya pa Yesus tapi masi pegang kuat orang Yahudi pe aturan sunat.

Kisah Para Rasul 11:2 ပူးပေါင်းရင်းမြစ်များ

Kisah Para Rasul 10:45

Di situ, ada orang-orang Yahudi yang so percaya pa Yesus, dorang datang dari Yope sama-sama deng Petrus. Waktu dorang lia banya orang bukang Yahudi tarima Roh Kudus, dorang jadi herang, karna dorang bolong perna lia Roh Kudus tacura pa orang-orang bukang Yahudi.

Kisah Para Rasul 10:9

Dia pe beso kira-kira tenga hari, tiga orang itu so dekat di kota Yope. Waktu itu Petrus nae di atas ruma la mo berdoa.

Kisah Para Rasul 15:1

Waktu Paulus deng Barnabas masi di kota Antiokhia, ada babarapa orang Yahudi yang percaya pa Yesus yang datang dari Yudea ka sana di Antiokhia. Dorang mangajar pa orang-orang percaya yang bukang Yahudi. Dorang bilang bagini, “Kalu ngoni tara dapa sunat iko aturan di lima kitab Musa, ngoni tara dapa slamat.”

Kisah Para Rasul 15:5

Tapi di situ ada babarapa orang percaya dari aliran fanatik yang pe nama Farisi. Dorang datang kong bilang bagini, “Orang-orang bukang Yahudi yang so jadi percaya pa Yesus, dorang lagi musti dapa sunat deng iko aturan-aturan di lima kitab Musa sama deng torang orang Yahudi.”

Kolose 4:11

Bagitu lagi deng Yesus yang orang jaga pangge pa dia Yustus, dia ada kirim salam pa ngoni. Dari samua tamang-tamang yang karja sama-sama deng kita untuk Tuhan, cuma dorang tiga itu yang orang Yahudi. Dorang tiga itu suda yang kase kuat kita pe hati. Kong torang pe karja itu, kase tau tentang bagimana orang-orang bisa jadi Tuhan Allah pe umat la Dia Berkuasa sebagai Raja pa dorang pe hidup.

Titus 1:10

Kita suru ngana cari orang yang pimpin macam bagitu, karna dorang itu musti kuat hadapi banya orang yang tantang ajaran yang butul skarang ini. Orang-orang itu suka pengaru orang laeng supaya iko pa dorang, padahal dorang pe ajaran itu ajaran yang sala deng tara guna. Lebe-lebe lagi, ada dari dorang itu, orang agama Yahudi yang so percaya pa Yesus, tapi dong kase ajar kata, kalu orang bukang Yahudi yang mo iko pa Yesus, musti sunat dulu.