Kisah Para Rasul 11:18 - Perjanjian Baru Bahasa Melayu Maluku Utara

¹⁸ Pe dengar bagitu, orang-orang Yahudi yang percaya pa Yesus so tara kase sala lagi pa Petrus. Dorang puji pa Tuhan Allah, bilang, “Jadi, orang-orang bukang Yahudi me Tuhan Allah so kase kesempatan untuk bertobat supaya dorang dapa hidup deng Tuhan Allah slama-lamanya.”

Kisah Para Rasul 11:18 ပူးပေါင်းရင်းမြစ်များ

Matius 9:8

Pe lia itu, orang banya itu jadi tako kong dorang puji deng hormat pa Tuhan Allah, barang Dia so kase kuasa yang basar itu pa manusia di dunia.

Kisah Para Rasul 11:1

Waktu itu, Yesus pe utusan-utusan yang orang sebut rasul-rasul, deng samua orang yang percaya pa Yesus di daera Yudea dapa dengar, ada lagi orang-orang bukang Yahudi yang so tarima Tuhan Allah pe Kabar Bae.

Kisah Para Rasul 14:27

Pe sampe di kota Antiokhia itu, Paulus deng Barnabas pangge jemaat samua bakumpul. Kong dorang dua kase tau samua yang Tuhan Allah so biking waktu dorang kase tau Kabar Bae tentang Yesus di dorang pe perjalanan. Dorang me carita, bagimana Tuhan Allah buka jalang supaya orang-orang bukang Yahudi jadi percaya pa Yesus.

Kisah Para Rasul 15:3

Jemaat di Antiokhia antar pa dorang sampe di luar kota. Turus, dorang Paulus bajalang iko daera Fenisia deng daera Samaria. Di daera-daera itu, dorang kase carita pa orang-orang percaya tentang orang-orang bukang Yahudi di tampa laeng yang so bertobat kong jadi percaya pa Tuhan. Waktu orang-orang percaya di situ dengar kabar itu, dorang pe hati sanang skali.

Kisah Para Rasul 20:21

Kita salalu kase inga deng karas pa orang-orang Yahudi deng pa orang-orang bukang Yahudi, supaya dorang bertobat kong iko pa Tuhan Allah deng percaya pa Tuhan Yesus, torang pe Tuhan.

Kisah Para Rasul 21:20

Pe dengar Paulus bilang itu, penatua-penatua langsung puji pa Tuhan Allah. Pe abis itu, dorang bilang pa Paulus, “Bapa, torang mo kase tau, skarang ini orang Yahudi yang percaya pa Yesus so deng ribu, kong dorang itu masi tetap pegang kuat aturan di lima kitab Musa.

Kisah Para Rasul 3:19

Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa.

Kisah Para Rasul 3:26

Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”

Kisah Para Rasul 5:31

Yesus itu suda yang Tuhan Allah so angka kong taru di tampa yang terhormat pa Tuhan Allah pe sabla kanan. Skarang Yesus so jadi Pemimpin deng yang kase slamat pa torang orang Israel, supaya torang bertobat kong iko pa Tuhan Allah, deng bagitu Tuhan Allah mo kase ampun pa torang.

Roma 9:30

Karna itu, torang bole bilang bagini: orang-orang yang bukang Yahudi, dorang tara berusaha supaya jadi orang yang butul pa Tuhan Allah pe muka. Tapi, biar bagitu, ada dari dorang yang percaya pa Yesus Kristus sampe Tuhan Allah biking dorang itu jadi orang yang tara sala pa Dia pe muka.

2 Korintus 3:18

Kong untuk torang samua yang percaya, so tara ada lagi yang tutu tong pe pikiran, jadi torang bisa lia Tuhan pe kuasa yang luar biasa. Turus, orang me bisa lia Tuhan pe kuasa yang luar biasa pa torang pe diri. Barang, Tuhan salalu ruba torang pe hidup supaya torang bole jadi sama deng Dia, tamba hari torang pe kalakuang deng torang pe hidup tamba bae. Tuhan yang biking torang jadi bagitu, Dia itu suda Roh Kudus.

2 Korintus 7:10

Kita bilang bagitu, barang sedi itu yang Tuhan Allah mau la biking orang bole bertobat kong dapa slamat. Jadi orang yang dapa sedi macam bagitu, dia tara akan manyasal. Tapi ada lagi sedi yang orang-orang tara percaya rasa. Sedi itu tara biking dorang jadi bertobat, kong dorang mo dapa hukum tapisa deng Tuhan Allah slama-lamanya.

Galatia 1:24

Pe dengar itu, dorang puji deng hormat pa Tuhan Allah karna apa yang Tuhan Allah so biking dalam kita pe hidup.