Kisah Para Rasul 11:16 - Perjanjian Baru Bahasa Melayu Maluku Utara

¹⁶ Pe dapa lia itu, kita dapa inga yang Tuhan Yesus perna bilang, ‘Yohanes Pembaptis, baptis pa orang deng aer, tapi ngoni mo dapa baptis deng Roh Kudus.’

Kisah Para Rasul 11:16 ပူးပေါင်းရင်းမြစ်များ

Matius 3:11

Kita baptis pa ngoni deng aer, tanda ngoni so bertobat kong iko pa Tuhan Allah. Tapi abis kita ini, ada satu Orang yang mo datang, Dia pe kuasa lebe basar dari kita. Kong mo jadi Dia pe suru-suru yang bawa Dia pe sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Matius 3:6

Dorang mangaku dong pe dosa-dosa, turus Yohanes baptis pa dorang di kali Yordan.

Markus 1:8

Kita baptis pa ngoni pake aer, tapi Dia mo baptis pa ngoni deng Roh Kudus.”

Lukas 24:8

Pe dengar bagitu, baru dorang dapa inga apa yang Yesus perna bilang pa dorang.

Lukas 3:16

Tapi Yohanes bilang pa dorang samua, “Kita baptis pa ngoni deng aer, tanda ngoni so bertobat kong iko pa Tuhan Allah. Tapi nanti, ada satu Orang yang mo datang, Dia pe kuasa lebe basar dari kita. Kong mo jadi Dia pe tukang suru-suru, yang buka Dia pe tali sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Yohanes 1:26

Yohanes jawab pa dorang, “Kita baptis orang deng aer, tapi ada satu Orang di ngoni pe tenga-tenga yang ngoni bolong kanal.

Yohanes 1:33

Waktu itu, kita sandiri bolong tau Dia itu Kristus, Raja yang Tuhan Allah janji mo kase slamat pa manusia. Tapi Tuhan Allah yang suru kita baptis deng aer, Dia so bilang pa kita bagini, ‘Kalu ngana lia Kita pe Roh turung di atas satu Orang kong tinggal di atas pa Dia, Dia itu suda yang mo pake Roh Kudus untuk baptis orang.’

Yohanes 14:26

Tapi kalu Kita so pigi pa Kita pe Bapa, Dia mo kase Roh Kudus untuk tolong pa ngoni, ganti pa Kita. Roh Kudus itu pe tugas, kase ajar pa ngoni samua yang ngoni musti tau, kong mo kase inga pa ngoni samua yang Kita so bilang pa ngoni.

Yohanes 16:4

Kita kase tau samua itu mo jadi pa ngoni, supaya nanti kalu dorang siksa pa ngoni, ngoni mo inga Kita so perna kase tau itu pa ngoni. Kita tara bilang itu dari pertama waktu ngoni baru jadi Kita pe murit, barang Kita masi ada sama-sama deng ngoni.”

Kisah Para Rasul 1:5

Barang, dulu Yohanes baptis pa orang deng aer, tapi tara lama lagi Tuhan Allah mo baptis pa ngoni deng Roh Kudus.”

Kisah Para Rasul 20:35

Deng karja karas bagitu, kita so kase conto pa ngoni la ngoni me karja karas untuk bantu pa orang-orang yang tara mampo. Torang musti inga yang Tuhan Yesus so bilang, karna Dia sandiri yang bilang, ‘Kalu torang dapa apa-apa dari orang, torang pasti sanang, tapi yang lebe sanang itu torang yang bakase apa-apa pa orang laeng.’ ”

1 Korintus 12:13

Barang torang ini, ada orang Yahudi, deng ada yang bukang Yahudi. Ada orang karja yang dia pe tuang so bili, deng ada orang yang bebas. Torang samua Roh Kudus biking torang jadi satu, karna torang samua dapa baptis dari Roh Kudus yang sama. Roh Kudus yang sama itu, yang so ada pa torang samua, itu sama deng torang ada minum dari mata aer yang sama.

2 Petrus 3:1

Sudara-sudara yang kita sayang, ini kita pe surat yang kedua pa ngoni. Di dua surat yang kita tulis pa ngoni, kita berusaha kase inga ulang apa yang ngoni so tau, supaya ngoni tetap smangat untuk pikir yang bae tentang itu.