Kisah Para Rasul 10:7 - Perjanjian Baru Bahasa Melayu Maluku Utara

⁷ Abis bilang bagitu, malaekat itu langsung kase tinggal pa Kornelius. Turus Kornelius pangge pa dia pe orang karja dua orang deng tentara satu yang jaga kawal pa dia. Tentara itu me jaga iko Tuhan Allah pe mau.

Kisah Para Rasul 10:7 ပူးပေါင်းရင်းမြစ်များ

Matius 2:13

Waktu orang-orang yang pintar lia bintang itu so pulang, Tuhan Allah pe malaekat kase tunju dia pe diri pa Yusuf dalam mimpi. Malaekat itu bilang pa dia, “Yusuf, bangun suda! Bawa Anak itu deng ngana pe bini kong lari di tana Mesir. Ngoni tinggal di sana suda sampe Kita kase tau tempo apa ngoni bale ulang kamari, barang raja Herodes sementara cari Anak itu la mo bunu pa Dia.”

Lukas 2:25

Waktu itu di Yerusalem, ada satu orang dia pe nama Simeon. Dia itu hidup butul pa Tuhan Allah pe muka deng dia dengar-dengaran pa Tuhan Allah. Deng dia ada tunggu waktu yang nanti Tuhan Allah mo kase slamat pa bangsa Israel. Kong Roh Kudus salalu sama-sama deng dia.

Lukas 3:14

Di situ, ada lagi tentara-tentara yang datang. Dorang tanya pa Yohanes, “Kalu torang, apa yang torang musti biking?” Kong Yohanes jawab pa dorang, “Jang ancam orang kong ambe dorang pe doi, deng jang tudu orang bilang dong sala la dong kase doi pa ngoni. Rasa puas suda deng ngoni pe gaji yang ngoni tarima.”

Kisah Para Rasul 10:6

Skarang dia tinggal pa satu orang pe ruma, dia itu me pe nama Simon. Dia pe ruma di pinggir pante, kong dia pe karja tukang kase bersi binatang pe kuli.”

Kisah Para Rasul 10:8

Kornelius kase tau dia pe penglihatan pa dorang. Turus, dia suru pa dorang pigi di kota Yope la ambe pa Petrus.

Filemon 1:16

Jadi skarang ngana tarima ulang pa dia. Dia bukang cuma ngana pe orang karja saja, tapi lebe dari itu, dia me so jadi ngana pe sudara yang sama-sama percaya. Ngana sayang pa dia, sama deng kita so sayang pa dia. Ngana sayang pa dia karna dia itu ngana pe orang karja, deng dia itu lagi ngana pe sudara yang sama-sama percaya pa Tuhan.