Kisah Para Rasul 10:41 - Perjanjian Baru Bahasa Melayu Maluku Utara

⁴¹ Tapi tara samua orang Yahudi yang bole dapa lia pa Dia. Cuma torang yang Tuhan Allah so pili kamuka yang bole dapa lia kong jadi Dia pe saksi-saksi itu. Torang ini yang so makang deng minum sama-sama deng Dia, waktu Dia so hidup ulang.

Kisah Para Rasul 10:41 ပူးပေါင်းရင်းမြစ်များ

Lukas 24:30

Waktu Yesus dudu makang sama-sama deng dorang, Dia ambe roti kong bilang tarimakasi pa Tuhan Allah. Turus, Yesus pela-pela roti itu kong kase barbage pa dong dua.

Lukas 24:48

Kong ngoni yang so lia deng mata kapala sandiri apa yang so jadi pa Kita, ngoni musti kase carita pa orang-orang apa yang ngoni so lia itu.

Yohanes 14:17

Penolong itu Tuhan Allah pe Roh, yang mo kase ajar pa ngoni apa yang butul tentang Tuhan Allah. Orang-orang yang tara percaya pa Tuhan Allah, tara bisa tarima Tuhan Allah pe Roh itu, barang dorang tara dapa lia pa Dia deng tara kanal pa Dia. Tapi ngoni ini kanal pa Dia karna Dia ada sama-sama deng ngoni kong akan jadi satu deng ngoni.

Yohanes 14:19

So tara lama lagi orang-orang yang tara percaya, tara akan lia lagi pa Kita. Tapi ngoni mo lia lagi pa Kita barang Kita mo hidup ulang, kong karna Kita mo hidup ulang, Kita mo biking ngoni hidup deng Tuhan Allah slama-lamanya.

Yohanes 14:22

Kong Yudas yang bukang Yudas Iskariot, bilang pa Yesus, “Tuhan, bikiapa kong cuma pa torang saja Tuhan mo kase tunju Tuhan pe diri, kong pa orang-orang laeng yang ada di dunia ini tarada?”

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Yohanes 15:27

Kong ngoni ini lagi musti kase tau tentang Kita pa orang-orang, karna so dari dulu ngoni so sama-sama deng Kita.”

Yohanes 21:13

Kong Yesus badekat pa dorang, Dia ambe roti, turus Dia kase bage-bage pa dorang, bagitu lagi deng ikang itu.

Kisah Para Rasul 1:22

mulai dari Yohanes baptis pa Yesus sampe Yesus taangka ka atas di sorga kase tinggal pa torang. Orang itu mo sama-sama deng torang untuk jadi saksi kase tau pa orang-orang, Yesus so hidup ulang.”

Kisah Para Rasul 1:4

Satu kali bagini, waktu Yesus deng Dia pe rasul-rasul itu makang sama-sama, Dia pasáng pa dorang bagini, “Jang dulu ngoni kase tinggal kota Yerusalem ini. Ngoni tinggal di sini supaya tunggu Kita pe Bapa pe janji pa ngoni, sama deng yang Kita perna bilang pa ngoni.

Kisah Para Rasul 10:39

Torang ini Tuhan Yesus pe utusan-utusan yang orang sebut rasul-rasul. Torang yang lia deng torang pe mata kapala sandiri, samua yang Yesus biking di Yerusalem deng di samua daera yang torang orang Yahudi tinggal. Tapi orang-orang Yahudi di Yerusalem so bunu pa Dia deng cara paku pa Dia di kayu salib.

Kisah Para Rasul 13:31

Kong selama babarapa hari, Yesus kase tunju Dia pe diri pa Dia pe murit-murit yang perna iko pa Dia dari daera Galilea sampe di kota Yerusalem. Dorang itu suda yang skarang jaga kase tau pa orang Israel, samua yang dorang lia deng dengar yang Dia biking.