Kisah Para Rasul 10:4 - Perjanjian Baru Bahasa Melayu Maluku Utara

⁴ Kornelius haga pa malaekat itu deng rasa tako skali, kong dia bilang, “Ada apa bapa?” Malaekat itu bilang pa dia, “Tuhan Allah so dengar ngana pe doa, deng Dia so lia samua yang ngana so bantu pa orang-orang susa. Tuhan Allah tetap inga yang ngana so biking itu.

Kisah Para Rasul 10:4 ပူးပေါင်းရင်းမြစ်များ

Matius 26:13

Inga bae-bae yang Kita bilang ini, di mana saja orang-orang kase tau Kabar Bae dari Tuhan Allah ini di seluru dunia, pasti dorang mo carita apa yang parampuang ini so biking pa Kita, sampe orang-orang akan inga pa dia turus.”

Lukas 1:29

Maria kage waktu dengar malaekat bilang bagitu. Dia babatanya dalam hati, malaekat itu pe maksut apa.

Lukas 24:5

Parampuang-parampuang itu tako skali kong dorang berlutut sampe dong pe muka kanal di tana. Kong dua orang itu bilang pa dorang, “Orang yang so hidup, ngoni tara usa cari di tampa ini, karna di sini orang mati pe tampa.

Kisah Para Rasul 10:31

Turus dia bilang pa kita, ‘Kornelius, Tuhan Allah so dengar samua ngana pe doa deng Dia so lia ngana jaga bantu pa orang-orang susa.

Kisah Para Rasul 14:9

Dia dudu badengar Paulus mangajar. Paulus perhatikan pa dia. Turus Paulus tau dia percaya pa Yesus, jadi dia bole dapa sembu.

Kisah Para Rasul 22:10

Kong kita batanya, ‘Tuhan, apa yang musti kita biking?’ Tuhan bilang, ‘Badiri suda la pigi di Damsyik. Di sana ada yang mo kase tau samua tugas yang Tuhan Allah suru ngana biking.’

Kisah Para Rasul 3:4

Petrus deng Yohanes lia pa dia, kong Petrus bilang, “Coba ngana balia kamari pa torang!”

Filipi 4:18

Skarang kita so tarima samua yang kita perlu dari ngoni, mala so talebe-lebe lagi. Samua itu Epafroditus yang bawa. Apa yang ngoni kase pa kita, itu biking Tuhan Allah pe hati sanang, kong apa yang ngoni kase itu pantas Tuhan Allah tarima, sama deng dulu orang bakar binatang korban persembahan yang bobou sadap pa Tuhan Allah.

Filipi 4:6

Jadi tara usa suda ngoni hawater tentang apa-apa. Tapi, ngoni musti berdoa suda, minta pa Tuhan Allah tentang samua hal. Ngoni kase tau suda samua ngoni pe perlu pa Tuhan Allah, deng bilang tarimakasi banya pa Dia.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

Ibrani 6:10

Barang, Tuhan Allah itu adil, jadi Dia tetap inga ngoni pe bae yang ngoni so biking untuk Dia, deng ngoni pe sayang yang ngoni so kase tunju pa orang-orang yang so jadi Tuhan Allah pe umat, yang ngoni layani dari dulu sampe skarang.

Wahyu 8:4

Kong kemenyan pe asap deng doa-doa dari samua orang yang so jadi Tuhan Allah pe umat, itu samua nae sama-sama dari malaekat itu pe tangan sampe pa Tuhan Allah.