Kisah Para Rasul 10:32 - Perjanjian Baru Bahasa Melayu Maluku Utara

³² Jadi, ngana suru suda orang pigi di Yope la ambe pa Simon yang orang jaga pangge pa dia Petrus. Dia ada tinggal di satu orang pe ruma, orang itu me nama Simon. Dia pe ruma di pinggir pante. Dia pe karja jaga biking bersi binatang pe kuli.’

Kisah Para Rasul 10:32 ပူးပေါင်းရင်းမြစ်များ

Yohanes 18:28

Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.

Yohanes 4:9

Parampuang Samaria itu bilang pa Yesus, “Bapa, Bapa ini orang Yahudi to? Masa Bapa minta aer minum dari kita, orang Samaria?” (Dia bilang bagitu, barang orang Yahudi tara biasa batamang deng orang Samaria, karna orang Yahudi anggap dorang itu najis).

Kisah Para Rasul 10:31

Turus dia bilang pa kita, ‘Kornelius, Tuhan Allah so dengar samua ngana pe doa deng Dia so lia ngana jaga bantu pa orang-orang susa.

Kisah Para Rasul 10:33

Jadi, kita langsung suru pa dorang pigi ambe pa bapa, kong pe untung skali bapa mau datang kamari. Skarang torang samua so ada di sini, pa Tuhan Allah pe muka. Torang mo dengar samua yang Tuhan Allah suru bapa bilang pa torang.”

Kisah Para Rasul 10:5

Skarang, ngana suru suda babarapa orang pigi di Yope supaya dorang ka sana ambe pa Simon, yang orang biasa pangge pa dia Petrus.

Kisah Para Rasul 11:14

Dia yang mo kase tau Tuhan Allah pe Kabar Bae pa ngana. Kabar Bae itu yang mo kase slamat pa ngana deng ngana pe keluarga samua.’

Kisah Para Rasul 11:3

Dorang bilang pa Petrus, “Petrus, bikiapa kong ngana pigi di orang-orang bukang Yahudi pe ruma? Ngana me makang sama-sama deng dorang lagi!”

Kisah Para Rasul 15:7

Pe abis dorang bicara lama tentang masala itu, Petrus badiri kong bilang pa dorang, “Ee sudara-sudara, ngoni tau babarapa taong lalu, Tuhan Allah so pili pa kita dari antara torang ini la kita mo kase tau Kabar Bae tentang Yesus Kristus pa orang-orang bukang Yahudi, supaya dorang me bole jadi percaya.

Kisah Para Rasul 16:9

Dia pe malam itu, Paulus dapa penglihatan satu dari Tuhan Allah. Dia lia, ada satu orang dari daera Makedonia sementara badiri minta tolong pa dia. Orang itu bilang, “Datang kamari ka, la tolong pa torang orang Makedonia.”

Kisah Para Rasul 9:43

Abis itu, Petrus tinggal sadiki lama pa Simon pe ruma di Yope. Simon pe karja jaga biking barang-barang dari binatang pe kuli.

Kisah Para Rasul 9:6

Tapi skarang, badiri suda kong maso di kota. Di sana baru ada yang kase tau pa ngana, apa yang musti ngana biking.”