Kisah Para Rasul 10:14 - Perjanjian Baru Bahasa Melayu Maluku Utara

¹⁴ Tapi Petrus bilang, “Tarada, Tuhan. Kita tara perna makang binatang-binatang bagitu yang haram deng najis iko torang orang Yahudi pe aturan agama.”

Kisah Para Rasul 10:14 ပူးပေါင်းရင်းမြစ်များ

Matius 15:11

“Dengar bae-bae yang Kita bilang ini supaya ngoni mangarti! Apa yang maso di orang pe mulu, itu tara akan biking orang jadi berdosa pa Tuhan. Tapi apa yang kaluar dari orang pe mulu, itu yang biking sampe orang itu jadi berdosa pa Tuhan.”

Matius 16:22

Pe dengar Yesus bilang bagitu, Petrus hela pa Yesus pa dia pe pinggir kong togor, “Guru jang bilang bagitu. Minta doa la Tuhan Allah kase jao itu dari Guru.”

Matius 25:9

Tapi nona-nona yang pande itu bilang bagini, ‘Torang tara bisa kase minya ini pa ngoni, barang nanti minya ini tara cukup untuk torang deng untuk ngoni. Lebe bae ngoni pigi bili di orang yang bajual minya.’

Matius 8:2

Waktu itu, ada satu orang yang panyake lepra datang pa Dia. Orang itu berlutut pa Yesus kong bilang bagini, “Bapa, kalu Bapa mau, Bapa bole kase sembu pa kita.”

Markus 7:2

Dorang dapa lia Yesus pe murit-murit makang tapi tara kase bersi tangan dulu iko aturan yang dorang pe orang tua dulu-dulu so ajar.

Lukas 1:60

Tapi dia pe mama tara mau. Dia bilang, “Jangan! Musti kase nama pa dia Yohanes.”

Yohanes 4:11

Turus parampuang itu bilang, “Bapa, parigi ini dolom skali, baru Bapa tarada timba. Dari mana Bapa mo dapa aer hidup itu kong?

Kisah Para Rasul 10:13

Turus dia dengar ada suara yang bilang pa dia, “Petrus, bangun suda. Ambe binatang yang ada di dalam kaeng la potong kong makang suda.”

Kisah Para Rasul 10:28

Turus Petrus bilang pa dorang samua bagini, “Sudara-sudara! Ngoni sandiri so tau to, kalu mo iko torang orang Yahudi pe biasa, torang tara bole batamang deng ngoni karna ngoni bukang orang Yahudi. Torang me tara bole pigi pa ngoni pe ruma karna samua itu torang anggap najis. Tapi samua itu Tuhan Allah so kase tau pa kita, tarada orang yang najis pa Tuhan Allah pe muka.

Kisah Para Rasul 22:8

Kong kita tanya, ‘Sapa ini kong?’ Suara itu bilang, ‘Kita Yesus, orang Nazaret yang ngana jaga siksa.’

Kisah Para Rasul 9:5

Saulus bilang, “Sapa ini kong?” Kong suara itu bilang, “Kita ini Yesus yang ngana jaga siksa.