Kisah Para Rasul 10:1 - Perjanjian Baru Bahasa Melayu Maluku Utara

¹ Ada laki-laki satu di Kaisarea, dia pe nama Kornelius. Dia itu komandan kompi Roma yang dia pe pasukan pe nama pasukan Italia.

Kisah Para Rasul 10:1 ပူးပေါင်းရင်းမြစ်များ

Matius 27:27

Abis itu, gubernur Pilatus pe tentara-tentara bawa pa Yesus di dorang pe tampa yang ada di gubernur pe istana pe kintal. Kong dorang pangge pa dorang pe tamang-tamang tentara samua bakumpul kase kuliling pa Yesus.

Matius 27:54

Ada komandan kompi Roma deng dia pe ana-ana bua yang jaga pa Yesus waktu Yesus dapa salib. Dorang tako skali waktu tana goyang kuat itu deng waktu dong lia samua yang jadi itu. Kong dorang bilang, “Butul, Dia ini memang Anak Allah!”

Markus 15:16

Abis itu, tentara-tentara bawa pa Yesus di dorang pe tampa yang ada di gubernur pe istana pe kintal, kong pangge dorang pe tamang-tamang tentara samua yang ada di situ bakumpul.

Lukas 7:2

Di kota itu, ada komandan kompi Roma satu. Dia ada orang karja satu yang paling dia sayang. Dia pe orang karja itu sementara saki karas deng amper mati.

Yohanes 18:12

Jadi, tentara-tentara Roma deng dong pe komandan, deng penjaga-penjaga Ruma Ibada Pusat, dorang samua itu tangka pa Yesus kong ika pa Dia.

Yohanes 18:3

Jadi Yudas datang ka sana lagi di tampa itu. Dia bawa tentara Roma satu kompi deng babarapa orang yang bajaga Ruma Ibada Pusat. Dorang datang karna dapa suru dari orang Yahudi pe imam-imam kapala deng orang-orang dari aliran Farisi. Dorang datang bawa lentera, obor deng senjata.

Kisah Para Rasul 10:24

Dia pe beso, dorang sampe di kota Kaisarea. Di situ Kornelius so tunggu-tunggu pa dorang. Dia me so kumpul dia pe sudara-sudara deng dia pe tamang-tamang bae la mo dengar apa yang Petrus mo bilang.

Kisah Para Rasul 21:31

Sementara orang banya itu berusaha bunu pa Paulus, ada yang pigi kase tau pa komandan batalion Roma, dorang bilang, orang satu kota di Yerusalem so kaco.

Kisah Para Rasul 21:8

Dia pe beso, torang kase tinggal tampa itu kong bajalang kaki pigi di kota Kaisarea. Di situ torang tinggal di Filipus pe ruma. Dia itu orang yang jaga kase tau Kabar Bae pa orang-orang yang bolong dengar Kabar Bae itu, deng dia me satu dari tuju orang yang tapili di Yerusalem untuk kase bage-bage makanang pa janda-janda yang miskin.

Kisah Para Rasul 22:25

Tapi waktu dorang ika pa Paulus la mo pukul pa dia, dia bilang pa komandan kompi yang badiri di situ, “Komandan, kalu orang warga negara Roma dapa tudu kong bolong urus dia pe perkara, pemerinta Roma pe aturan kase ijin pukul pa dia ka tarada?”

Kisah Para Rasul 23:23

Abis itu, komandan batalion itu pangge pa komandan kompi dua orang kong bilang, “Ngoni kase siap tentara yang bajalang kaki dua ratus orang, tentara yang pake kuda tuju pulu orang, deng tentara yang bawa tombak dua ratus orang. Malam ini pas jam sembilan dorang samua itu pigi di kota Kaisarea.

Kisah Para Rasul 23:33

Pe sampe di Kaisarea, tentara-tentara yang pake kuda kase surat itu pa gubernur kong dorang serakan Paulus pa dia.

Kisah Para Rasul 25:1

Gubernur Festus pinda di kota Kaisarea mo mulai dia pe tugas. Baru tiga hari dia jadi gubernur di daera itu, dia pigi ka atas di kota Yerusalem.

Kisah Para Rasul 25:13

Pe lewat babarapa hari dari kejadian itu, raja Agripa pigi di Kaisarea. Dia pigi deng dia pe ade parampuang yang pe nama Bernike. Dorang ka sana mo kase ucapan slamat pa Festus yang baru jadi gubernur.

Kisah Para Rasul 27:1

Abis itu, dong gubernur Festus ambe keputusan untuk kirim pa Paulus di kota Roma di daera Italia la raja basar Roma urus dia pe perkara di situ. Jadi, dia serakan Paulus deng babarapa tahanan laeng pa satu komandan kompi yang mo antar pa dorang di kota Roma. Komandan itu pe nama Yulius, dia pe tentara-tentara yang jaga pa raja basar Roma.

Kisah Para Rasul 27:31

Tapi Paulus dapa tau, turus dia bilang pa komandan kompi itu deng pa tentara-tentara yang laeng, “Kalu orang-orang kapal itu kase tinggal kapal ini, ngoni tara mungkin mo slamat.”

Kisah Para Rasul 27:43

Tapi komandan itu larang pa dorang, karna dia mau kase slamat pa Paulus. Kong dia parenta, sapa saja yang tau bernang, bernang kamuka ka dara.

Kisah Para Rasul 8:40

Ternyata, Filipus so ada di kampong satu yang pe nama Asdod. Dia bajalang dari Asdod kong kase tau Kabar Bae tentang Yesus Kristus pa orang-orang di samua kota, sampe di Kaisarea.