Kisah Para Rasul 1:8 - Perjanjian Baru Bahasa Melayu Maluku Utara

⁸ Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 1:8 ပူးပေါင်းရင်းမြစ်များ

Matius 24:14

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Markus 16:15

Abis itu Yesus bilang pa dorang, “Pigi suda di seluru dunia ini, la kase tau Kabar Bae dari Tuhan Allah pa samua orang.

Lukas 1:35

Malaekat itu jawab pa dia, “Bagini. Nanti Roh Kudus mo datang pa ngana. Tuhan Allah yang Paling Tinggi itu mo kuasai pa ngana. Jadi, Anak yang akan ngana kase lahir itu suci, deng orang mo pangge pa Dia, Anak Allah.

Lukas 10:19

Inga bae-bae yang Kita bilang pa ngoni. Kuasa yang Kita so kase pa ngoni itu basar, sampe ngoni me bisa injang ular bisa deng kalajengking, deng supaya ngoni bole kase kala ngoni pe musu, itu Iblis, setang-setang pe raja. Deng kuasa itu, tara ada yang bisa kase cilaka pa ngoni.

Lukas 24:29

Tapi dong paksa skali pa Dia, dong bilang, “Tinggal dulu deng torang, barang skarang so sore, kong matahari so mo maso.” Turus Yesus maso untuk tinggal sama-sama deng dorang dua.

Yohanes 15:27

Kong ngoni ini lagi musti kase tau tentang Kita pa orang-orang, karna so dari dulu ngoni so sama-sama deng Kita.”

Kisah Para Rasul 1:22

mulai dari Yohanes baptis pa Yesus sampe Yesus taangka ka atas di sorga kase tinggal pa torang. Orang itu mo sama-sama deng torang untuk jadi saksi kase tau pa orang-orang, Yesus so hidup ulang.”

Kisah Para Rasul 1:5

Barang, dulu Yohanes baptis pa orang deng aer, tapi tara lama lagi Tuhan Allah mo baptis pa ngoni deng Roh Kudus.”

Kisah Para Rasul 13:31

Kong selama babarapa hari, Yesus kase tunju Dia pe diri pa Dia pe murit-murit yang perna iko pa Dia dari daera Galilea sampe di kota Yerusalem. Dorang itu suda yang skarang jaga kase tau pa orang Israel, samua yang dorang lia deng dengar yang Dia biking.

Kisah Para Rasul 2:32

Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang.

Kisah Para Rasul 22:15

Barang, ngana yang mo jadi Dia pe saksi untuk kase tau pa samua orang apa yang ngana so lia deng dengar.

Kisah Para Rasul 3:15

Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.

Kisah Para Rasul 4:33

Kong, Yesus pe utusan-utusan yang orang sebut rasul-rasul, dorang dapa kuasa basar dari Tuhan Allah, sampe dorang barani kase tau pa orang-orang, Yesus so hidup ulang. Kong Tuhan Allah kase Dia pe bae pa dorang talebe-lebe.

Kisah Para Rasul 5:32

Torang ini yang jadi saksi tentang samua itu, barang torang so lia deng torang pe mata kapala sandiri. Roh Kudus me tau samua itu butul. Roh Kudus itu yang Tuhan Allah so kase pa samua orang yang dengar-dengaran pa Dia.”

Kisah Para Rasul 6:8

Tuhan Allah kase Dia pe bae deng Dia pe kuasa pa Stefanus, sampe Stefanus biking mujizat-mujizat deng tanda-tanda yang kase tunju Tuhan Allah pe kuasa di banya orang pe muka.

Roma 10:18

Banya orang Israel bolong percaya pa Yesus Kristus, tapi itu bukang karna dorang tara dengar kabar itu, to? Pasti dorang so dengar, karna di Kitab Suci ada tatulis, “Orang-orang so bawa kabar itu sampe di seluru dunia, dorang pe kata-kata so tasiar sampe pa samua orang.”

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.