Kisah Para Rasul 1:6 - Perjanjian Baru Bahasa Melayu Maluku Utara

⁶ Satu kali bagini, Yesus bakumpul lagi deng Dia pe utusan-utusan yang orang sebut rasul-rasul, kong dorang tanya pa Dia, “Tuhan, apa skarang ini Tuhan mo kase bebas pa torang bangsa Israel dari bangsa Roma yang jaja pa torang, kong mo jadi torang orang Israel pe raja?”

Kisah Para Rasul 1:6 ပူးပေါင်းရင်းမြစ်များ

Matius 17:11

Yesus bilang pa dorang bagini, “Memang, nabi Elia itu akan datang kamuka supaya kase siap samua-samua.

Matius 20:21

Yesus tanya pa dia, “Ibu mo minta apa?” Dia bilang pa Yesus, “Guru, kalu Guru so jadi Raja kong so Berkuasa, Guru suru kita pe ana dua ini dudu pa Guru pe sabla. Satu di sabla kanan deng satu lagi di sabla kiri.”

Matius 24:3

Abis itu, Yesus pigi di Bukit Zaitun, kong dudu di situ. Dia pe murit-murit badekat pa Dia la cuma dorang deng Dia saja yang bacarita. Dorang bilang, “Guru, kase tau pa torang ka, tempo apa yang Guru bilang tadi itu mo jadi? Turus, dia pe tanda-tanda apa kalu Guru mo datang ulang, deng tanda-tanda hari kiamat itu bagimana e?”

Markus 9:12

Yesus bilang pa dorang bagini, “Memang, nabi Elia itu akan datang kamuka supaya kase siap samua-samua. Tapi ada lagi tatulis, to? Anak Manusia yang dari sorga akan banya menderita deng akan dapa tolak.

Lukas 17:20

Satu kali, ada babarapa orang Yahudi dari aliran Farisi, dong tanya pa Yesus, “Tempo apa Tuhan Allah mo Berkuasa sebagai Raja di dunia ini?” Kong Yesus bilang pa dorang, “Waktu Tuhan Allah Berkuasa sebagai Raja pa Dia pe umat, tara ada tanda-tanda lebe dulu sampe orang bisa tau.

Lukas 19:11

Yesus so dekat di kota Yerusalem. Karna itu, orang banya kira kata, Tuhan Allah so langsung mo Berkuasa sebagai Raja pa Dia pe umat sama deng Dia janji dulu. Karna Yesus tau itu, waktu dorang masi dengar pa Dia, Yesus tamba Dia pe carita satu pake umpama.

Lukas 22:29

Karna itu, Kita mo kase kuasa pa ngoni untuk berkuasa sama deng Kita pe Bapa ada kase kuasa pa Kita.

Yohanes 21:21

Waktu Petrus lia murit itu, dia bilang pa Yesus, “Tuhan, kong kalu deng dia ini, dia pe hidup bagimana nanti?”