Kisah Para Rasul 1:3 - Perjanjian Baru Bahasa Melayu Maluku Utara

³ Pa dorang itu, waktu Yesus mati kong hidup ulang, Dia kase tunju Dia pe diri ulang-ulang la dorang tau butul-butul, Dia memang so hidup ulang. Dia kase tunju Dia pe diri pa dorang selama ampa pulu hari kong bicara pa dorang tentang bagimana Tuhan Allah Berkuasa sebagai Raja.

Kisah Para Rasul 1:3 ပူးပေါင်းရင်းမြစ်များ

Matius 21:43

Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Matius 28:9

Kage-kage di tenga jalang, Yesus datang kong kase salam pa dorang. Turus dorang badekat pa Yesus, polo Dia pe kaki, kong semba pa Dia.

Matius 3:2

“Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia.”

Matius 4:2

Di tampa itu, Yesus tara makang selama ampa pulu hari ampa pulu malam. Dia pe ahir kabawa, Yesus lapar.

Markus 16:19

Abis Tuhan Yesus bicara pa Dia pe murit-murit, Dia taangka ka sorga, kong dudu di tampa yang terhormat pa Tuhan Allah pe sabla kanan.

Yohanes 20:26

Pe minggu brikut, Yesus pe murit-murit bakumpul ulang di ruma itu. Kong kali ini, Tomas lagi ada di situ sama-sama deng dorang. Samua pintu-pintu ada takunci lagi. Biar bagitu, Yesus datang, turus badiri pa dorang pe tenga-tenga kong Dia bilang, “Kita minta pa Tuhan Allah supaya Dia salalu biking ngoni pe hati tetap tenang.”

Yohanes 21:1

Abis itu, Yesus kase tunju Dia pe diri pa Dia pe murit-murit lagi di talaga Tiberias pe pinggir. Bagini dia pe carita:

Yohanes 21:14

Itu yang so ketiga kali Yesus kase tunju Dia pe diri pa Dia pe murit-murit abis Dia mati kong hidup ulang.

Kisah Para Rasul 13:31

Kong selama babarapa hari, Yesus kase tunju Dia pe diri pa Dia pe murit-murit yang perna iko pa Dia dari daera Galilea sampe di kota Yerusalem. Dorang itu suda yang skarang jaga kase tau pa orang Israel, samua yang dorang lia deng dengar yang Dia biking.

Kisah Para Rasul 19:8

Paulus tinggal di Efesus selama tiga bulan. Dia jaga maso di ruma ibada agama Yahudi deng dia barani bicara pa orang-orang Yahudi di situ. Dia berusaha kase yakin pa dorang tentang bagimana mo jadi Tuhan Allah pe umat la Tuhan Allah Berkuasa sebagai Raja pa dorang pe hidup.

Kisah Para Rasul 28:23

Abis itu, dorang tentukan satu hari lagi la mo baku dapa ulang deng Paulus. Pas hari itu, banya skali orang datang pa Paulus pe tampa tinggal. Pagi sampe sore, Paulus kase tau deng basaksi pa dorang tentang Tuhan Allah Berkuasa sebagai Raja pa Dia pe umat. Paulus me pake ayat-ayat yang ada di lima kitab Musa deng ayat-ayat di nabi-nabi laeng pe kitab supaya dorang mangarti kong percaya pa Yesus.

Kisah Para Rasul 28:31

Paulus kase tau pa dorang tentang bagimana Tuhan Allah Berkuasa sebagai Raja pa Dia pe umat. Dia me kase ajar pa dorang tentang Tuhan Yesus Kristus. Dia bicara turus tarang deng barani, kong tarada yang larang pa dia.

Kisah Para Rasul 8:12

Tapi waktu Filipus datang pa dong pe kota, dia ajar pa dorang Kabar Bae tentang Tuhan Allah mo Berkuasa sebagai Raja, deng tentang percaya pa Yesus Kristus, Raja yang Tuhan Allah janji mo kase slamat pa manusia. Pe abis dengar yang Filipus ajar itu, dorang jadi percaya sampe dorang kase dong pe diri untuk dapa baptis, biar itu laki-laki atau parampuang.

Roma 14:17

Karna kalu Tuhan Allah Berkuasa sebagai Raja pa torang pe hidup, yang penting itu bukang apa yang torang makang deng minum. Tapi Tuhan Allah mau torang hidup butul, baku bawa bae-bae, deng torang pe hati sanang karna Roh Kudus ada di torang pe hati.

Kolose 1:13

Tuhan Allah so kase bebas pa torang dari Iblis pe kuasa galap, kong so kase pinda pa torang di tarang, supaya Dia pe Anak yang Dia sayang Berkuasa sebagai Raja pa torang.

1 Tesalonika 2:12

Itu, torang kase smangat deng kase kuat ngoni pe hati supaya ngoni pe hidup pantas untuk orang yang iko pa Tuhan Allah. Tuhan Allah pangge pa ngoni la jadi Dia pe umat yang Dia berkuasa sebagai Raja, kong ngoni nanti dapa puji deng hormat sama-sama deng Dia.

1 Yohanes 1:1

Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.