Kisah Para Rasul 1:16 - Perjanjian Baru Bahasa Melayu Maluku Utara

¹⁶ “Sudara-sudara, dulu Roh Kudus so bilang pa raja Daud apa yang mo jadi pa Yudas. Itu so ada di Kitab Suci, kong memang musti jadi. Yudas itu yang so bawa orang-orang pigi tangka pa Yesus.

Kisah Para Rasul 1:16 ပူးပေါင်းရင်းမြစ်များ

Matius 26:14

Ada satu dari Yesus pe dua blas murit, dia pe nama Yudas Iskariot. Dia pigi pa imam-imam kapala.

Matius 26:47

Waktu Yesus masi bicara, satu dari Yesus pe dua blas murit yang pe nama Yudas itu datang. Dia datang sama-sama deng satu rombongan basar, ada yang bawa parang deng ada lagi yang bawa kayu panggal. Orang-orang itu dapa suru dari imam-imam kapala deng tua-tua Yahudi.

Matius 26:54

Tapi kalu Kita biking bagitu, itu pe arti, samua yang tatulis di Kitab Suci tentang Kita skarang ini, tara akan jadi.”

Matius 26:56

Tapi biar suda, karna memang samua itu musti jadi, sama deng yang Tuhan Allah so bilang dari dulu pa nabi-nabi yang so tatulis di Kitab Suci.” Kong Yesus pe murit samua lari kase tinggal pa Dia.

Markus 12:36

Padahal waktu Roh Kudus kuasai pa raja Daud, raja Daud kase tau, Tuhan Allah ada bilang pa kita pe Tuhan bagini, ‘Dudu suda di tampa yang terhormat, pa Kita pe sabla kanan, sampe Kita kase kala Ngana pe musu-musu samua.’

Markus 14:43

Waktu Yesus masi bicara, kage satu dari Yesus pe dua blas murit yang pe nama Yudas itu datang. Dia datang sama-sama deng satu rombongan, ada yang bawa parang deng ada lagi yang bawa kayu panggal. Orang-orang itu dapa suru dari imam-imam kapala, guru-guru agama Yahudi yang ahli lima kitab Musa deng tua-tua Yahudi.

Lukas 22:47

Waktu Yesus masi bicara, ada satu rombongan yang datang, kong Yudas, satu dari Yesus pe dua blas murit, dia yang paling di muka. Kong Yudas badekat pa Yesus untuk ciom pa Dia.

Yohanes 10:35

Torang tau apa yang tatulis di lima kitab Musa tara bole kase batal, jadi kalu Tuhan Allah sandiri bilang ‘allah’ pa orang-orang yang so tarima Dia pe firman,

Yohanes 13:18

Tapi tara samua ngoni yang mo butul-butul sanang. Memang Kita yang pili pa ngoni samua, jadi Kita lagi tau ada satu dari ngoni yang mo bahianat pa Kita. Tapi Kita pili pa dia, supaya apa yang Tuhan Allah so bilang di Kitab Suci dulu itu mo jadi. Ini yang Dia bilang, ‘Sapa yang makang Kita pe roti, nanti dia itu yang mo bahianat pa Kita.’

Yohanes 17:12

Selama Kita ada deng dorang, Kita jaga pa dorang pake kuasa yang Bapa so kase pa Kita. Kita jaga pa dorang supaya tarada dari dorang yang tapisa deng Bapa, kacuali satu orang, Dia itu memang musti bagitu, supaya apa yang so tatulis dulu di Kitab Suci itu mo jadi.

Yohanes 19:36

Tentara tara kase pata Yesus pe kaki, supaya apa yang tatulis di Kitab Suci itu jadi. Bagini yang so tatulis di Kitab Suci, “Tara ada satu dari Dia pe tulang yang dapa kase pata.”

Kisah Para Rasul 1:20

Kong Petrus bilang lagi, “Dulu raja Daud so tulis memang tentang Yudas di kitab Mazmur, bagini: ‘Biar suda dia pe tampa tinggal jadi sunyi, kong biar suda tarada orang yang tinggal di situ.’ Raja Daud me tulis lagi bagini: ‘Biar suda orang laeng ambe dia pe tugas.’

Kisah Para Rasul 13:15

Di situ, ada orang yang baca lima kitab Musa deng kitab nabi-nabi. Pe abis babaca, pemimpin-pemimpin ruma ibada itu suru orang bilang pa Paulus deng pa Barnabas, “Bapa-bapa, kalu ada yang ngoni ingin bilang untuk kase kuat torang pe percaya, bicara suda skarang!”

Kisah Para Rasul 13:38

Jadi sudara-sudara, torang kase tau pa ngoni, karna Yesus so mati di kayu salib deng so hidup ulang, ngoni pe dosa-dosa so dapa ampun.

Kisah Para Rasul 15:13

Bagitu Barnabas deng Paulus abis bicara, Yakobus turus bilang, “Ee sudara-sudara, dengar pa kita!

Kisah Para Rasul 15:7

Pe abis dorang bicara lama tentang masala itu, Petrus badiri kong bilang pa dorang, “Ee sudara-sudara, ngoni tau babarapa taong lalu, Tuhan Allah so pili pa kita dari antara torang ini la kita mo kase tau Kabar Bae tentang Yesus Kristus pa orang-orang bukang Yahudi, supaya dorang me bole jadi percaya.

Kisah Para Rasul 2:23

Tapi biar ngoni so tau itu, ngoni serakan Yesus pa orang jahat, kong dorang paku pa Dia di salib sampe mati. Tapi itu Tuhan Allah pe maksut deng rencana dari dulu, Dia yang serakan Yesus pa ngoni.

Kisah Para Rasul 2:37

Waktu orang banya dengar apa yang Petrus bilang itu, dorang manyasal skali kong tanya pa Petrus deng pa rasul-rasul yang laeng, “Sudara-sudara, torang so sala, jadi skarang torang musti biking apa, supaya Tuhan Allah jang hukum pa torang?”

Kisah Para Rasul 22:1

“Bapa-bapa deng sudara-sudara, coba ngoni dengar dulu yang kita mo bilang ini untuk babela kita pe diri!”

Kisah Para Rasul 23:1

Bagitu so baku mangada deng anggota-anggota kumpulan Mahkama Agama itu, Paulus haga pa dorang kong bilang, “Sudara-sudara, sampe hari ini kita tetap hidup deng hati yang bersi pa Tuhan Allah pe muka.”

Kisah Para Rasul 23:6

Waktu itu Paulus tau, anggota-anggota Mahkama Agama itu dorang dari dua aliran agama Yahudi: satu aliran Farisi deng satu lagi aliran Saduki. Karna itu, Paulus bilang deng suara yang kuat, “Kita pe sudara-sudara orang Yahudi samua, kita dari aliran Farisi, barang kita pe orang tua me dari aliran Farisi. Kita dapa kase mangada di Mahkama Agama ini, barang kita percaya deng yakin Tuhan Allah mo kase hidup ulang pa orang-orang yang so mati.”

Kisah Para Rasul 28:17

Pe hari yang ketiga Paulus di kota Roma, dia suru pangge pa pemimpin-pemimpin agama Yahudi yang ada di situ bakumpul di ruma yang dia tinggal. Waktu dorang so takumpul, dia bilang bagini, “Sudara-sudara! Kita ada di kota Roma ini, barang torang pe sudara-sudara orang Yahudi yang ada di Yerusalem tangka pa kita kong dorang serakan kita pa pemerinta Roma. Padahal kita tara biking sala apa-apa pa torang pe bangsa, deng kita tara langgar torang pe orang tua dulu-dulu pe aturan.

Kisah Para Rasul 28:25

Jadi, dorang mulai baku malawang sampe ada yang mau kaluar dari Paulus pe tampa tinggal. Kong sebelum dorang kaluar, Paulus bilang lagi bagini, “Butul suda yang Roh Kudus kase tau pa torang pe orang tua dulu-dulu, itu so tatulis di kitab nabi Yesaya bagini,

Kisah Para Rasul 7:2

Stefanus bilang, “Bapa-bapa deng sudara-sudara, coba ngoni dengar dulu. Ngoni masi inga, to? Dulu, torang pe orang tua dulu-dulu Abraham tinggal di daera Mesopotamia, sebelum dia tinggal di kota Haran. Di situ, Tuhan Allah yang luar biasa, kase tunju Dia pe diri pa Abraham,

1 Petrus 1:11

Yesus Kristus pe Roh yang ada pa nabi-nabi itu yang kase tau pa dorang tentang Dia mo dapa sengsara, deng abis itu dapa puji deng hormat. Jadi, nabi-nabi itu me cari tau lagi bagimana deng tempo apa itu mo jadi.

2 Petrus 1:21

Karna samua yang nabi-nabi kase tau itu me, tara perna iko manusia pe mau. Tapi Roh Kudus yang kuasai pa nabi-nabi itu yang biking sampe dorang bisa kase tau Tuhan Allah pe pasáng.

2 Petrus 2:21

Jadi lebe bae dorang tara perna tau ajaran tentang bagimana dorang bole jadi orang yang tara sala pa Tuhan Allah pe muka, daripada dorang so tau kong tara mau iko lagi parenta yang kudus yang orang so kase tau pa dorang.