Kisah Para Rasul 1:14 - Perjanjian Baru Bahasa Melayu Maluku Utara

¹⁴ Dorang samua salalu bakumpul la berdoa deng satu hati. Dorang berdoa sama-sama deng babarapa parampuang, Yesus pe sudara-sudara, deng Maria Yesus pe mama.

Kisah Para Rasul 1:14 ပူးပေါင်းရင်းမြစ်များ

Matius 12:46

Waktu Yesus masi bicara deng orang banya itu, Dia pe mama deng Dia pe sudara-sudara datang kong badiri di luar, dorang berusaha mo baku dapa la bacarita deng Dia.

Matius 21:22

Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Matius 27:55

Di situ ada lagi banya parampuang yang lia-lia pa Yesus dari jao. Dorang ini yang jaga iko pa Yesus untuk layani pa Dia, mulai dari daera Galilea.

Markus 15:40

Di situ ada lagi babarapa parampuang yang lia-lia pa Yesus dari jao. Dari dorang itu, ada Salome, Maria orang Magdala, deng Maria yang jadi Yakobus muda deng Yoses pe mama.

Markus 16:1

Pe Sabtu malam, waktu so lewat hari Sabat, hari yang orang agama Yahudi tara bole bakarja, Salome, Maria orang Magdala deng Maria Yakobus pe mama, pigi bili minya wangi la mo goso Yesus pe mayat, iko orang Yahudi pe biasa.

Lukas 11:13

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pasti mo kase Roh Kudus pa orang-orang yang minta pa Dia.”

Lukas 18:1

Abis itu, Yesus bilang umpama satu pa Dia pe murit-murit supaya dorang turus-turus berdoa pa Tuhan Allah deng jang dong ilang smangat untuk minta tolong pa Dia.

Lukas 23:49

Samua orang yang kanal dekat pa Yesus, termasuk parampuang-parampuang yang jaga iko pa Dia dari Galilea, dorang badiri jao-jao kong lia samua yang jadi itu.

Lukas 23:55

Parampuang-parampuang yang datang sama-sama deng Yesus dari daera Galilea me iko pa Yusuf waktu pi kubur pa Yesus, dorang lia dia pe tampa deng bagimana Yesus pe mayat dia taru dalam kubur goa di bukit batu.

Lukas 24:10

Parampuang-parampuang itu: Maria dari Magdala, Yohana, Maria Yakobus pe mama deng parampuang laeng. Dorang itu yang kase tau pa Tuhan Yesus pe utusan-utusan yang orang sebut rasul-rasul.

Lukas 24:33

Abis itu langsung dong dua badiri kong bale ulang di Yerusalem. Di sana dong baku dapa deng seblas murit deng orang laeng yang jaga iko pa Yesus ada bakumpul di situ.

Lukas 24:53

Dorang salalu ada di Ruma Ibada Pusat pe kompleks, deng dong salalu puji deng hormat pa Tuhan Allah.

Lukas 8:20

Di situ ada satu orang yang kase tau pa Yesus, “Bapa, Bapa pe mama deng sudara-sudara ada di luar. Dorang mau baku dapa deng Bapa.”

Kisah Para Rasul 2:1

Waktu orang Yahudi biking dorang pe sukur bapanen yang dong sebut hari raya Pentakosta, samua orang yang percaya pa Yesus bakumpul di ruma satu di Yerusalem.

Kisah Para Rasul 2:42

Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.

Kisah Para Rasul 2:46

Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu.

Kisah Para Rasul 6:4

supaya torang rasul-rasul ada lebe banya waktu untuk berdoa deng kase tau Tuhan pe firman pa orang-orang.”

Roma 12:12

Ngoni musti sanang suda, karna torang bole baharap deng yakin pa Tuhan. Ngoni musti sabar biar dapa siksa, deng ngoni lagi musti rajin berdoa!

1 Korintus 14:13

Karna itu, orang yang bicara pake bahasa roh, dia musti berdoa supaya dia dapa lagi karunia untuk kase mangarti bahasa itu pa orang-orang.

Efesus 6:18

Kong di sagala waktu, ngoni musti salalu berdoa deng minta pa Tuhan Allah, kase biar suda supaya Roh Kudus yang bantu waktu ngoni berdoa. Ngoni musti salalu siap berdoa deng jang berenti berdoa lagi untuk samua orang yang so jadi Tuhan Allah pe umat.

Kolose 4:2

Sudara-sudara, ngoni musti berdoa turus-turus. Kong waktu ngoni mo berdoa, ngoni musti perhatikan bae-bae apa yang ngoni mo bilang dalam doa itu, deng bilang tarimakasi banya pa Tuhan Allah.