Ibrani 9:6 - Perjanjian Baru Bahasa Melayu Maluku Utara

⁶ Bagitu suda dong so ator samua barang yang ada di Tenda itu. Turus, imam-imam jaga maso di Ruang Suci itu untuk biking dong pe tugas.

Ibrani 9:6 ပူးပေါင်းရင်းမြစ်များ

Roma 9:4

Dorang itu orang Israel. Dari dulu, Tuhan Allah pili kong biking pa dorang jadi Dia pe ana-ana. Deng Tuhan Allah so kase tunju Dia pe kuasa yang hebat pa dorang pe orang tua dulu-dulu. Tuhan Allah me so biking janji deng dorang pe orang tua dulu-dulu yang biking dorang jadi Dia pe umat. Tuhan Allah so kase pa dorang aturan di lima kitab Musa kong kase tunju pa dorang bagimana cara yang butul supaya semba pa Dia. Turus ada banya lagi janji yang Dia kase pa dorang pe orang tua dulu-dulu.

Ibrani 7:11

Waktu Tuhan Allah kase Dia pe aturan di lima kitab Musa pa orang-orang Yahudi, Dia pili pa Lewi pe turunan la jadi imam-imam, kong Dia suru pa dorang untuk ajar pa orang Yahudi iko aturan-aturan itu. Tapi imam-imam itu tara mampo biking orang-orang Yahudi itu jadi sempurna pa Tuhan Allah pe muka. Jadi, Tuhan Allah kase imam laeng yang bukang dari Lewi deng Harun pe turunan. Imam yang laeng itu, sama deng imam Melkisedek.