Ibrani 9:4 - Perjanjian Baru Bahasa Melayu Maluku Utara

⁴ Di Ruang Paling Suci itu, ada meja persembahan dari mas yang dong pake untuk bakar kemenyan. Di ruang itu me ada taru Kotak Perjanjian. Kotak itu dong lapis deng mas luar dalam. Di dalam Kotak Perjanjian itu ada tampayang mas yang ada isi makanang yang pe nama manna, ada Harun pe tongkat yang so perna batunas, deng ada batu dua lempeng yang ada tatulis Tuhan Allah pe parenta spulu itu.

Ibrani 9:4 ပူးပေါင်းရင်းမြစ်များ

Wahyu 11:19

Abis itu, kita dapa lia Tuhan Allah pe Ruma di sorga tabuka, kong di dalam itu kita dapa lia Tuhan Allah pe Kotak Perjanjian. Turus ada kilat deng guntur babunyi, tana goyang yang kuat, deng ujang es yang karas skali.

Wahyu 8:3

Kong ada malaekat satu yang laeng datang, dia badiri di pinggir tampa bakar korban persembahan. Dia bawa loyang mas kong dia dapa kase banya kemenyan la mo bakar jadi persembahan yang bobou sadap pa Tuhan Allah. Dia me tarima doa-doa dari samua orang yang so jadi Tuhan Allah pe umat. Kong dia bakar kemenyan itu deng serakan doa-doa itu sama-sama di tampa bakar korban persembahan yang ada biking dari mas, di muka Tuhan Allah pe kursi raja.