Ibrani 9:19 - Perjanjian Baru Bahasa Melayu Maluku Utara

¹⁹ Barang, dulu waktu nabi Musa abis baca samua aturan di lima kitab Musa itu pa orang-orang Israel, dia potong sapi paranggang deng kambing laki-laki, kong ambe binatang itu pe dara, turus dia campur deng aer. Abis itu, nabi Musa ambe cabang kacil dari tanaman yang pe nama hisop deng domba pe bulu yang mera, kong colo di dara deng aer yang so tacampur itu, baru kase percik di kitab-kitab yang ada tulis Tuhan Allah pe aturan-aturan, deng kase percik lagi pa samua orang Israel.

Ibrani 9:19 ပူးပေါင်းရင်းမြစ်များ

Matius 27:28

Dorang kase lapas Yesus pe baju kong kase pake pa Dia juba ungu yang sama deng raja-raja jaga pake.

Markus 15:17

Dorang kase pake pa Yesus juba ungu sama deng yang raja-raja jaga pake, baru dorang biking makota satu dari cabang-cabang kacil yang baduri kong pasang pa Yesus pe kapala.

Markus 15:20

Abis dorang hina-hina pa Dia, dorang buka lagi juba ungu yang dorang kase pake pa Dia, kong kase pake ulang Dia pe baju sandiri. Turus tentara-tentara bawa pa Yesus kaluar dari kota Yerusalem la mo salib pa Dia.

Yohanes 19:2

Kong tentara-tentara biking lagi makota satu dari cabang-cabang kacil yang baduri kong kase pake pa Yesus pe kapala. Turus dorang kase pake lagi pa Dia juba warna ungu yang sama deng raja-raja biasa pake.

Yohanes 19:5

Waktu Yesus kaluar, Dia ada pake makota satu dari cabang-cabang kacil yang baduri deng pake juba warna ungu. Turus Pilatus bilang pa dorang, “Coba lia Orang itu.”

Ibrani 1:1

Dulu, Tuhan Allah banya kali bicara pa Dia pe nabi-nabi pake macam-macam cara la dorang kase turus Dia pe pasáng pa torang orang Israel pe orang tua dulu-dulu.

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

Ibrani 10:4

Barang, tara mungkin binatang macam deng sapi laki-laki atau kambing laki-laki pe dara, bisa hapus manusia pe dosa-dosa.

Ibrani 12:24

Kong di situ lagi ngoni baku dapa deng Yesus Kristus. Dia itu yang mati supaya jadi sama deng jambatan la biking janji yang baru antara Tuhan Allah deng manusia. Kong Dia pe dara yang tatumpa itu lebe bagus dari Habel pe dara yang tatumpa dulu, barang hasil dari Habel pe dara itu, orang dapa hukum, tapi hasil dari Yesus pe dara itu biking orang bole dapa ampun dari dosa.

Ibrani 9:12

Kong Dia so maso satu kali untuk slama-lamanya di tampa yang kudus itu. Waktu Dia maso itu, persembahan yang Dia bawa, bukang kambing laki-laki atau sapi muda pe dara, tapi Dia bawa Dia pe dara sandiri, kong deng dara itu Dia tebus tong pe dosa-dosa untuk slama-lamanya.

Ibrani 9:13

Barang, kalu iko aturan di lima kitab Musa, kalu orang mo biking dong pe diri jadi bersi dari dosa la mo semba ulang pa Tuhan Allah, orang itu musti dapa percik deng kambing pe dara atau sapi laki-laki pe dara atau sapi paranggang yang dong so bakar pe abu, supaya orang itu pe diri jadi bersi dari dosa.

Ibrani 9:18

Bagitu lagi deng janji yang lama yang Tuhan Allah biking deng manusia itu, musti ada binatang korban persembahan pe dara untuk biking sah janji itu.

1 Petrus 1:2

Tuhan Allah, torang pe Bapa so pili pa ngoni iko Dia pe rencana yang dari dulu. Kong Dia pe Roh yang biking ngoni jadi Dia pe umat supaya ngoni dengar-dengaran pa Yesus Kristus, deng supaya Dia pe dara yang so tatumpa biking ngoni jadi bersi dari dosa-dosa. Kita minta pa Tuhan Allah, supaya Dia kase Dia pe bae pa ngoni, deng Dia biking ngoni pe hati tetap tenang, kong Dia kase samua itu talebe-lebe.