Ibrani 9:10 - Perjanjian Baru Bahasa Melayu Maluku Utara

¹⁰ Barang, aturan-aturan di janji yang lama itu, cuma ator tentang apa yang orang musti makang deng minum, deng cara-cara untuk orang biking bersi diri saja. Kong samua aturan itu cuma ator di manusia pe bagian luar diri saja, bukang untuk manusia pe dalam hati, turus aturan itu cuma ada dia pe guna sampe di waktu Tuhan Allah ganti deng janji yang baru.

Ibrani 9:10 ပူးပေါင်းရင်းမြစ်များ

Markus 7:4

Bagitu lagi kalu dorang pulang dari pasar, dorang tara bisa makang kalu bolong ‘biking bersi diri’ iko dorang pe aturan. Ada lagi aturan laeng yang dorang masi pegang kuat, sama deng aturan mo cuci galas, tampayang deng barang-barang yang laeng.

Galatia 4:9

Tapi skarang ngoni so kanal pa Tuhan Allah, atau lebe bae kita bilang, Tuhan Allah yang so kanal pa ngoni ini. Jadi bikiapa kong ngoni bale lagi untuk jadi aturan-aturan di dunia ini pe suru-suru? Aturan-aturan itu tarada dia pe guna deng tara bisa kase slamat pa ngoni.

Efesus 1:10

Dia pe rencana itu bagini: kalu so sampe dia pe waktu yang Tuhan Allah so tentukan, Dia mo biking samua yang ada di sorga deng di bumi jadi satu, kong Yesus Kristus yang berkuasa pa samua itu.

Efesus 2:15

Skarang, karna deng Yesus Kristus mati di kayu salib, Dia biking supaya torang yang percaya pa Dia tara perlu lagi iko aturan-aturan di lima kitab Musa untuk dapa slamat dari dosa-dosa. Kong karna itu, torang orang Yahudi yang jaga iko aturan itu, deng ngoni orang yang bukang Yahudi yang tara iko aturan itu, bole jadi satu kelompok yang baru karna torang samua so satu hati deng Yesus Kristus, kong Dia biking torang bole hidup baku bawa bae-bae.

Kolose 2:16

Jadi sudara-sudara, dari apa yang kita baru bilang tadi, jang ada orang yang kase sala pa ngoni tentang apa yang ngoni makang deng minum. Deng jang kase biar dong kase sala pa ngoni karna ngoni tara iko agama Yahudi pe hari-hari raya, deng acara-acara di tiap bulan baru. Jang dong kase sala pa ngoni karna ngoni tara iko dong pe aturan hari Sabat, hari yang orang agama Yahudi tara bole bakarja. Dengar e, jang ngoni pusing deng dong pe bicara itu!

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

Ibrani 13:9

Jang ngoni iko ajaran-ajaran yang tara butul yang bole biking ngoni jadi sesat. Barang, kalu iko aturan tentang makanang yang halal deng haram, tarada dia pe guna untuk biking ngoni jadi sempurna pa Tuhan Allah pe muka. Cuma Tuhan Allah pe sayang deng pe bae yang bisa biking ngoni pe percaya pa Tuhan jadi kuat.

Ibrani 2:5

Tuhan Allah tara kase kuasa pa malaekat-malaekat la mo berkuasa di dunia yang baru nanti, dunia yang sementara torang bicara ini.

Ibrani 6:2

ajaran tentang baptisan, ajaran tentang taru tangan di atas orang untuk kase berdoa, ajaran tentang orang yang so mati nanti mo hidup ulang, deng ajaran tentang orang yang tara percaya nanti mo dapa hukuman dari Tuhan Allah slama-lamanya.

Ibrani 6:5

Dorang so perna tau, Tuhan Allah pe firman itu paling bagus, deng dorang lagi so rasa Tuhan Allah pe kuasa yang akan ada di dunia yang baru nanti.

Ibrani 7:12

Deng, karna imam dari Lewi pe turunan dapa ganti deng imam yang laeng, itu berarti, aturan-aturan di lima kitab Musa lagi musti dapa ganti.

Ibrani 7:16

Dia jadi Imam bukang iko aturan di lima kitab Musa, karna kalu iko aturan itu, yang jadi imam musti dari Lewi pe turunan. Tapi Dia jadi Imam karna Dia ada kuasa dari Tuhan Allah, deng karna Dia hidup slama-lamanya.

Ibrani 9:1

Memang dulu, waktu Tuhan Allah biking janji yang lama deng bangsa Israel itu, ada aturan-aturan untuk semba pa Dia, deng ada lagi Dia pe Tenda Ibada yang dong biking.