Ibrani 7:8 - Perjanjian Baru Bahasa Melayu Maluku Utara

⁸ Kalu imam-imam dari Lewi pe turunan itu, dorang jaga tarima spulu persen dari umat untuk dorang pe hidup, padahal imam-imam itu cuma manusia biasa saja yang nanti mo mati. Jadi Melkisedek ini lebe penting dari imam-imam biasa, karna di Kitab Suci tara tatulis dia mati.

Ibrani 7:8 ပူးပေါင်းရင်းမြစ်များ

Yohanes 14:19

So tara lama lagi orang-orang yang tara percaya, tara akan lia lagi pa Kita. Tapi ngoni mo lia lagi pa Kita barang Kita mo hidup ulang, kong karna Kita mo hidup ulang, Kita mo biking ngoni hidup deng Tuhan Allah slama-lamanya.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Ibrani 3:16

Sapa itu orang-orang yang dengar Tuhan Allah pe suara tapi dong masi bakapala batu pa Dia? Dorang itu orang-orang Israel to, yang nabi Musa so pimpin supaya kase bebas pa dorang dari bangsa Mesir yang jaja pa dorang!

Ibrani 5:6

Kong di bagian laeng lagi di Kitab Suci, Tuhan Allah bilang bagini, “Ngana itu Imam untuk slama-lamanya, sama deng Melkisedek me jadi imam.”

Ibrani 6:20

Jadi torang tara usa tako lagi mo datang pa Tuhan Allah, karna Yesus Kristus yang so kamuka maso di situ la bicara pa Tuhan Allah untuk torang. Dia jadi torang pe Imam Basar untuk slama-lamanya, sama deng Melkisedek dulu yang jadi imam basar.

Ibrani 7:23

Dulu itu, imam-imam banya skali. Dorang banya, karna kalu ada yang mati, musti ada yang ganti supaya dorang pe karja jalang turus.

Ibrani 7:7

Kong torang tau pasti, orang yang kase berdoa minta berkat untuk orang laeng, dia lebe hebat dari orang yang mo tarima berkat itu. Jadi, torang tau Melkisedek itu lebe hebat dari Abraham.

Ibrani 7:9

Dulu cuma Lewi pe turunan yang tarima spulu persen dari orang-orang Israel. Tapi waktu Abraham bakase spulu persen itu, torang bole bilang, itu sama saja deng Abraham pe ana cucu dari suku Lewi so kase spulu persen itu pa Melkisedek.

Ibrani 9:27

Memang Tuhan Allah so tentukan supaya manusia mati cuma satu kali saja, kong abis itu dapa adili.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.