Ibrani 7:18 - Perjanjian Baru Bahasa Melayu Maluku Utara

¹⁸ Tuhan Allah bilang bagitu, karna aturan-aturan di lima kitab Musa dulu tentang imam-imam so dapa ganti. Barang, aturan-aturan itu so tarada dia pe kuasa lagi deng so tarada dia pe guna.

Ibrani 7:18 ပူးပေါင်းရင်းမြစ်များ

Kisah Para Rasul 13:39

Jadi sapa yang percaya pa Yesus, orang itu so jadi tara sala pa Tuhan Allah pe muka. Tapi kalu torang cuma iko aturan-aturan di lima kitab Musa, torang tara bisa jadi orang yang butul pa Tuhan Allah pe muka.

Roma 3:31

Tapi ada kaapa orang yang pikir, “Jadi kalu Tuhan Allah biking torang jadi orang yang tara sala karna torang percaya pa Yesus, itu pe arti, torang tara perlu mo biking lagi aturan di lima kitab Musa.” Sama skali bukang bagitu. Mala karna torang percaya, torang lebe tamba biking aturan di lima kitab Musa itu.

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

Galatia 3:15

Sudara-sudara, kita mo kase conto satu dari hidup hari-hari. Kalu orang biasa biking janji, turus dorang biking sah dong pe janji itu, so tara ada lagi orang laeng yang bole mo kase batal atau bole mo tamba apa-apa di janji itu, biar lagi janji itu cuma manusia yang biking.

Galatia 3:17

Kita pe maksut bagini: Tuhan Allah so lebe kamuka biking janji itu deng Abraham, kong Tuhan Allah so biking sah janji itu. Abis itu, ampa ratus tiga pulu taong brikut, baru Tuhan Allah kase aturan-aturan pa nabi Musa, itu aturan-aturan di lima kitab Musa. Jadi aturan-aturan yang muncul dari balakang itu tara bole kase batal atau hapus janji yang so ada lebe kamuka itu.

Galatia 3:21

Jang sampe ngoni kira kata, aturan-aturan di lima kitab Musa itu baku lawan deng Tuhan Allah pe janji-janji pa Abraham yang so kamuka ada. Itu sama skali tara baku lawan. Kalu saja aturan-aturan itu bisa biking tong pe diri hidup deng Tuhan Allah slama-lamanya, itu berarti, torang iko aturan-aturan itu supaya torang sandiri bole berusaha biking tong pe diri jadi orang yang butul pa Tuhan Allah pe muka, tapi yang sebenarnya bukang bagitu.

Galatia 4:21

Ee, ngoni sudara-sudara yang mau hidup iko aturan-aturan di lima kitab Musa, ngoni musti mangarti dulu aturan-aturan itu pe maksut. Jang sampe ngoni tara mangarti conto yang tatulis di Kitab Suci.

Galatia 4:9

Tapi skarang ngoni so kanal pa Tuhan Allah, atau lebe bae kita bilang, Tuhan Allah yang so kanal pa ngoni ini. Jadi bikiapa kong ngoni bale lagi untuk jadi aturan-aturan di dunia ini pe suru-suru? Aturan-aturan itu tarada dia pe guna deng tara bisa kase slamat pa ngoni.

1 Timotius 4:8

Ambe conto, kalu torang lati torang pe badan supaya kuat, itu bagus, tapi dia pe guna cuma sadiki. Tapi kalu torang lati torang pe diri untuk biking Tuhan Allah pe mau, dia pe guna banya skali. Kalu lati torang pe diri bagitu, pasti ada berkat untuk torang pe hidup skarang di dunia ini deng nanti waktu torang hidup ulang.

Ibrani 13:9

Jang ngoni iko ajaran-ajaran yang tara butul yang bole biking ngoni jadi sesat. Barang, kalu iko aturan tentang makanang yang halal deng haram, tarada dia pe guna untuk biking ngoni jadi sempurna pa Tuhan Allah pe muka. Cuma Tuhan Allah pe sayang deng pe bae yang bisa biking ngoni pe percaya pa Tuhan jadi kuat.

Ibrani 7:19

Aturan-aturan di lima kitab Musa itu tara berhasil biking manusia pe hubungan deng Tuhan Allah jadi sempurna. Tapi skarang, torang so ada tampa baharap yang lebe bae. Itu Yesus suda, Dia yang biking torang bole badekat deng Allah.