Ibrani 7:15 - Perjanjian Baru Bahasa Melayu Maluku Utara

¹⁵ Jadi, so lebe jelas aturan-aturan di lima kitab Musa dapa ganti, kong imam-imam me so dapa ganti. Barang, torang pe Tuhan yang bukang dari Lewi pe turunan itu so datang, kong Dia sama deng imam basar Melkisedek.

Ibrani 7:15 ပူးပေါင်းရင်းမြစ်များ

Matius 13:21

Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa siksa deng menderita karna percaya firman itu, dorang langsung tara percaya lagi pa Tuhan.

Ibrani 5:6

Kong di bagian laeng lagi di Kitab Suci, Tuhan Allah bilang bagini, “Ngana itu Imam untuk slama-lamanya, sama deng Melkisedek me jadi imam.”

Ibrani 7:11

Waktu Tuhan Allah kase Dia pe aturan di lima kitab Musa pa orang-orang Yahudi, Dia pili pa Lewi pe turunan la jadi imam-imam, kong Dia suru pa dorang untuk ajar pa orang Yahudi iko aturan-aturan itu. Tapi imam-imam itu tara mampo biking orang-orang Yahudi itu jadi sempurna pa Tuhan Allah pe muka. Jadi, Tuhan Allah kase imam laeng yang bukang dari Lewi deng Harun pe turunan. Imam yang laeng itu, sama deng imam Melkisedek.

Ibrani 7:16

Dia jadi Imam bukang iko aturan di lima kitab Musa, karna kalu iko aturan itu, yang jadi imam musti dari Lewi pe turunan. Tapi Dia jadi Imam karna Dia ada kuasa dari Tuhan Allah, deng karna Dia hidup slama-lamanya.

Ibrani 7:3

Tentang Melkisedek ini, orang tara tau dia pe asal-usul. Dia pe papa sapa, dia pe mama sapa, tarada yang tau. Tara ada lagi yang tau dia lahir tempo apa deng mati tempo apa. Jadi sama deng Anak Allah, Melkisedek tetap jadi imam sampe slama-lamanya.