Ibrani 7:10 - Perjanjian Baru Bahasa Melayu Maluku Utara

¹⁰ Barang, waktu Abraham kase spulu persen pa Melkisedek itu, imam Lewi deng dia pe turunan bolong lahir, tapi karna dorang itu lahir dari Abraham pe turunan, jadi bole bilang apa yang Abraham biking itu sama saja deng orang Lewi deng dong pe turunan lagi so sama-sama deng Abraham bakase bagian itu pa raja Melkisedek.

Ibrani 7:10 ပူးပေါင်းရင်းမြစ်များ

Ibrani 5:6

Kong di bagian laeng lagi di Kitab Suci, Tuhan Allah bilang bagini, “Ngana itu Imam untuk slama-lamanya, sama deng Melkisedek me jadi imam.”

Ibrani 7:11

Waktu Tuhan Allah kase Dia pe aturan di lima kitab Musa pa orang-orang Yahudi, Dia pili pa Lewi pe turunan la jadi imam-imam, kong Dia suru pa dorang untuk ajar pa orang Yahudi iko aturan-aturan itu. Tapi imam-imam itu tara mampo biking orang-orang Yahudi itu jadi sempurna pa Tuhan Allah pe muka. Jadi, Tuhan Allah kase imam laeng yang bukang dari Lewi deng Harun pe turunan. Imam yang laeng itu, sama deng imam Melkisedek.

Ibrani 7:5

Kalu iko aturan di lima kitab Musa, cuma imam Lewi pe turunan saja yang bole jadi imam. Dorang itu yang dapa tugas untuk kumpul spulu persen dari dorang pe sudara orang-orang Yahudi pe pendapatan, biar lagi dorang itu sama-sama Abraham pe turunan.

Ibrani 7:9

Dulu cuma Lewi pe turunan yang tarima spulu persen dari orang-orang Israel. Tapi waktu Abraham bakase spulu persen itu, torang bole bilang, itu sama saja deng Abraham pe ana cucu dari suku Lewi so kase spulu persen itu pa Melkisedek.