Ibrani 7:1 - Perjanjian Baru Bahasa Melayu Maluku Utara

¹ Dulu, Melkisedek jadi raja di kota Salem, deng dia lagi imam dari Tuhan Allah yang Paling Tinggi. Satu kali waktu Abraham pulang dari prang kase kala raja-raja, Melkisedek kaluar dari kota Salem kong jemput pa Abraham deng berdoa minta Tuhan Allah kase berkat pa Abraham.

Ibrani 7:1 ပူးပေါင်းရင်းမြစ်များ

Markus 5:7

Turus Yesus bilang pa dia, “Ee, setang! Ngana kaluar dari dia!” Kong orang itu bataria kuat-kuat, dia bilang, “Ado Yesus, Tuhan Allah yang Paling Tinggi pe Anak! Ngana mo biking apa pa kita? Demi Tuhan Allah, jang siksa pa kita!”

Kisah Para Rasul 16:17

Dia iko pa Paulus deng torang dari balakang kong dia kase tau deng babataria, “Dorang ini orang-orang yang jaga biking apa yang Tuhan Allah yang Paling Tinggi itu suru. Dorang jaga kase tau bagimana supaya orang-orang bisa dapa slamat.”

Ibrani 6:20

Jadi torang tara usa tako lagi mo datang pa Tuhan Allah, karna Yesus Kristus yang so kamuka maso di situ la bicara pa Tuhan Allah untuk torang. Dia jadi torang pe Imam Basar untuk slama-lamanya, sama deng Melkisedek dulu yang jadi imam basar.

Ibrani 7:2

Turus, Abraham kase pa Melkisedek spulu persen dari barang-barang yang dia dapa waktu prang itu. Melkisedek pe nama pe arti, ‘Raja yang adil’. Deng, karna dia raja dari kota Salem, orang jaga pangge pa dia lagi raja Salem, yang pe arti, ‘raja yang bawa dame’.

Ibrani 7:3

Tentang Melkisedek ini, orang tara tau dia pe asal-usul. Dia pe papa sapa, dia pe mama sapa, tarada yang tau. Tara ada lagi yang tau dia lahir tempo apa deng mati tempo apa. Jadi sama deng Anak Allah, Melkisedek tetap jadi imam sampe slama-lamanya.

Ibrani 7:6

Tapi Melkisedek itu bukang imam Lewi pe turunan. Biar bagitu, Abraham tetap kase pa Melkisedek spulu persen dari barang-barang yang dia ambe waktu dia menang dari prang. Kong Melkisedek berdoa pa Tuhan Allah, minta Abraham dapa berkat, padahal Abraham itu orang yang so tarima Tuhan Allah pe janji-janji dari dulu.