Ibrani 6:7 - Perjanjian Baru Bahasa Melayu Maluku Utara

⁷ Ambe conto bagini, torang pe hidup ini macam deng tana yang dapa ujang dari Tuhan Allah. Kalu tana itu salalu isap aer ujang, tana itu akan jadi subur kong kase kaluar hasil banya untuk orang kobong. Tana itu tetap dapa berkat dari Tuhan Allah.

Ibrani 6:7 ပူးပေါင်းရင်းမြစ်များ

Matius 7:8

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

2 Timotius 2:6

Ambe conto laeng. Kalu petani, dia musti karja karas di dia pe kobong, jadi dia yang pertama dapa kobong itu pe hasil. Bagitu me deng torang, torang karja untuk Tuhan pasti torang dapa berkat.

Yakobus 5:7

Jadi, sudara-sudara, ngoni musti sabar sampe Tuhan datang ulang untuk adili pa orang-orang. Ambe conto bagini, orang yang bakobong musti sabar sampe ujang turung, baru batanam. Abis itu, dia tunggu sampe tanaman babua. Turus dia sabar sampe dapa hasil yang berharga.