Ibrani 6:2 - Perjanjian Baru Bahasa Melayu Maluku Utara

² ajaran tentang baptisan, ajaran tentang taru tangan di atas orang untuk kase berdoa, ajaran tentang orang yang so mati nanti mo hidup ulang, deng ajaran tentang orang yang tara percaya nanti mo dapa hukuman dari Tuhan Allah slama-lamanya.

Ibrani 6:2 ပူးပေါင်းရင်းမြစ်များ

Matius 28:19

Karna itu, ngoni pigi suda kong biking samua bangsa jadi Kita pe murit. Ngoni baptis pa dorang dalam nama Bapa, Anak deng Roh Kudus.

Matius 3:14

Tapi Yohanes rasa dia tara pantas baptis pa Yesus, jadi dia bilang, “Kita yang musti dapa baptis dari Bapa, bikiapa kong Bapa datang pa kita?”

Markus 16:16

Sapa yang percaya deng dapa baptis, dia akan slamat. Tapi sapa yang tara percaya pa Kita, dia tara slamat kong akan dapa hukum.

Markus 7:4

Bagitu lagi kalu dorang pulang dari pasar, dorang tara bisa makang kalu bolong ‘biking bersi diri’ iko dorang pe aturan. Ada lagi aturan laeng yang dorang masi pegang kuat, sama deng aturan mo cuci galas, tampayang deng barang-barang yang laeng.

Markus 7:8

Nabi Yesaya bilang bagitu, itu ngoni suda. Ngoni tara pusing deng Tuhan Allah pe parenta-parenta, tapi manusia pe aturan ngoni iko.”

Lukas 11:38

Pas mo makang, Yesus tara kase bersi tangan pake cara kusus iko agama Yahudi pe aturan. Jadi orang dari aliran Farisi itu herang karna dorang pe aliran itu pegang kuat agama Yahudi pe aturan.

Lukas 12:50

Tapi masi ada lagi sengsara yang akan Kita mo dapa, kong Kita pe hati tara tenang sebelum sengsara itu Kita dapa.

Lukas 14:14

Kalu bapa biking bagitu, Tuhan Allah yang akan biking bapa sanang, karna dorang itu tarada apa-apa yang dorang bisa kase pa bapa. Nanti Tuhan Allah akan balas bapa pe bae di hari kiamat, waktu Tuhan Allah kase hidup ulang pa orang-orang yang butul pa Tuhan Allah pe muka.”

Lukas 3:16

Tapi Yohanes bilang pa dorang samua, “Kita baptis pa ngoni deng aer, tanda ngoni so bertobat kong iko pa Tuhan Allah. Tapi nanti, ada satu Orang yang mo datang, Dia pe kuasa lebe basar dari kita. Kong mo jadi Dia pe tukang suru-suru, yang buka Dia pe tali sandal saja me, kita tara pantas. Dia itu nanti yang mo baptis pa ngoni pake Roh Kudus deng api.

Yohanes 1:33

Waktu itu, kita sandiri bolong tau Dia itu Kristus, Raja yang Tuhan Allah janji mo kase slamat pa manusia. Tapi Tuhan Allah yang suru kita baptis deng aer, Dia so bilang pa kita bagini, ‘Kalu ngana lia Kita pe Roh turung di atas satu Orang kong tinggal di atas pa Dia, Dia itu suda yang mo pake Roh Kudus untuk baptis orang.’

Yohanes 5:29

kong orang-orang yang waktu dorang masi hidup jaga biking barang yang bae, dorang mo hidup ulang, kong mo dapa hidup deng Tuhan Allah slama-lamanya. Tapi orang-orang yang waktu dorang masi hidup jaga biking barang yang jahat, dorang lagi mo hidup ulang, kong mo dapa hukuman tapisa deng Tuhan Allah slama-lamanya.”

Kisah Para Rasul 10:47

“Coba ngoni lia, dorang so tarima Roh Kudus sama deng yang torang orang Yahudi tarima. Jadi skarang, so tara ada orang yang mo larang dorang dapa baptis deng aer, to?”

Kisah Para Rasul 13:3

Pe abis dong bapuasa deng berdoa, dorang taru dorang pe tangan pa Barnabas deng Saulus kong kase berdoa pa dong dua. Abis itu, dorang utus pa Barnabas deng Saulus untuk biking tugas yang Tuhan Allah suru.

Kisah Para Rasul 16:15

Abis itu, Lidia deng samua orang yang tinggal satu ruma deng dia dapa baptis dari dong Paulus. Turus Lidia undang pa torang deng bilang, “Kalu ngoni so yakin kita butul-butul percaya pa Tuhan Yesus, mari suda ngoni tinggal pa kita pe ruma biar cuma babarapa hari.” Lidia babuju turus sampe torang iko dia pe mau.

Kisah Para Rasul 16:33

Tenga malam itu suda, kapala penjara itu bawa pa dorang dua kong kase bersi dong dua pe luka. Turus, kapala penjara itu deng samua orang yang ada pa dia pe ruma langsung kase dong pe diri dapa baptis.

Kisah Para Rasul 17:18

Di kota Atena ada dua kelompok jago bapikir yang tara percaya Tuhan Allah, satu kelompok iko Epikuros pe ajaran deng satu kelompok lagi iko Stoa pe ajaran. Paulus kase tau pa dorang Kabar Bae tentang Yesus Kristus, lebe kusus lagi tentang Yesus Kristus mati tapi hidup ulang. Karna dorang dengar Paulus bilang Yesus hidup ulang, babarapa dari dorang itu bilang bagini, “Orang ini banya bicara, tapi apa yang dia bilang itu paling tara maso akal.” Tapi yang laeng lagi bilang, “Orang ini so kase tau pa torang tentang dia pe puji-puji yang torang tara kanal.”

Kisah Para Rasul 2:38

Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus.

Kisah Para Rasul 2:41

Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang.

Kisah Para Rasul 23:6

Waktu itu Paulus tau, anggota-anggota Mahkama Agama itu dorang dari dua aliran agama Yahudi: satu aliran Farisi deng satu lagi aliran Saduki. Karna itu, Paulus bilang deng suara yang kuat, “Kita pe sudara-sudara orang Yahudi samua, kita dari aliran Farisi, barang kita pe orang tua me dari aliran Farisi. Kita dapa kase mangada di Mahkama Agama ini, barang kita percaya deng yakin Tuhan Allah mo kase hidup ulang pa orang-orang yang so mati.”

Kisah Para Rasul 24:15

Kong kita lagi sama deng dorang, kita percaya deng yakin pa Tuhan Allah, nanti samua orang yang so mati mo hidup ulang, biar dia itu orang yang hidup butul pa Tuhan Allah pe muka, deng yang tara hidup butul pa Tuhan Allah pe muka.

Kisah Para Rasul 24:21

Atau mangkali dorang anggap kita sala, barang waktu kita ada di dorang pe muka, kita bilang deng suara yang kuat bagini, ‘Kita dapa urus skarang, barang kita yakin, Tuhan Allah mo kase hidup ulang pa orang-orang yang so mati.’ ”

Kisah Para Rasul 24:25

Paulus me bicara tentang bagimana supaya orang mo hidup butul pa Tuhan pe muka, tentang bagimana mo jaga diri la tara biking dosa, deng tentang hari kiamat, waktu Tuhan mo adili pa samua orang. Pe dengar itu, gubernur Feliks jadi tako kong bilang, “So bole dulu, kong pigi suda skarang. Nanti kalu ada waktu, baru kita mo pangge ulang pa ngana.”

Kisah Para Rasul 26:8

Jadi, skarang kita mo batanya pa orang-orang Yahudi yang ada di sini, bikiapa kong ngoni anggap, tara mungkin Tuhan Allah kase hidup ulang pa orang yang so mati?

Kisah Para Rasul 4:2

Orang-orang itu mara skali pa Petrus deng Yohanes, barang dorang dua kase ajar pa orang banya, Yesus so hidup ulang, deng orang yang so mati pasti mo hidup ulang.

Kisah Para Rasul 6:6

Dorang tuju itu dapa kase mangada pa rasul-rasul. Kong rasul-rasul itu me kase berdoa deng taru dong pe tangan di atas tuju orang itu, dorang minta pa Tuhan Allah tolong pa dong tuju itu untuk biking dong pe tugas.

Roma 2:16

Kong kalu so hari kiamat, Kristus Yesus pake kuasa dari Tuhan Allah untuk mo adili pa manusia iko apa yang dorang biking, sampe barang yang tasambunyi di dorang pe dalam hati me, Dia mo adili samua. Itu yang kita jaga kase ajar pa orang-orang waktu kita kase tau Kabar Bae tentang Yesus Kristus di mana-mana.

1 Korintus 10:2

Waktu dorang samua sama-sama bajalang di bawa awan deng dapa lewat Laut Mera, dorang itu sama deng so dapa baptis dalam awan deng dalam laut untuk jadi orang yang iko pa nabi Musa.

1 Korintus 12:13

Barang torang ini, ada orang Yahudi, deng ada yang bukang Yahudi. Ada orang karja yang dia pe tuang so bili, deng ada orang yang bebas. Torang samua Roh Kudus biking torang jadi satu, karna torang samua dapa baptis dari Roh Kudus yang sama. Roh Kudus yang sama itu, yang so ada pa torang samua, itu sama deng torang ada minum dari mata aer yang sama.

2 Korintus 5:10

Torang mo kase sanang Tuhan Allah pe hati, karna nanti torang samua musti mangada pa Yesus Kristus untuk dapa adili, supaya tiap orang mo dapa apa yang pantas dia dapa. Yang pantas dia dapa itu iko apa yang dia biking waktu dia tinggal di dunia ini, bae atau jahat.

Filipi 3:21

Nanti waktu Dia datang, Dia mo ruba torang pe badan yang bisa ancor ini, jadi sama deng Dia pe badan yang luar biasa. Dia biking bagitu, karna Dia ada kuasa untuk biking samua-samua tundu iko Dia pe mau.

Kolose 2:12

Waktu ngoni dapa baptis, itu sama deng ngoni so mati kong dapa kubur sama-sama deng Yesus Kristus, itu berarti, ngoni so kase tinggal ngoni pe hidup yang cuma iko manusia pe mau. Kong deng ngoni dapa baptis itu suda, itu sama deng ngoni so hidup ulang sama-sama deng Yesus Kristus, jadi ngoni pe hidup me so beruba jadi baru, karna ngoni percaya pa Tuhan Allah yang Dia pe kuasa hebat, yang so kase hidup ulang pa Yesus Kristus.

2 Timotius 2:18

Dorang dua itu so tara iko ajaran yang butul. Dorang ajar kata, Tuhan Allah so kase hidup lagi orang-orang yang so mati, jadi nanti so tarada lagi orang yang mati kong hidup ulang. Dorang ajar bagitu, jadi ada babarapa orang so tara percaya lagi yang butul pa Yesus.

Ibrani 11:35

Turus, ada lagi parampuang-parampuang yang karna dorang percaya pa Tuhan Allah, Tuhan Allah kase hidup ulang dong pe keluarga yang so mati sampe dong bisa tarima ulang pa dorang. Ada lagi orang-orang yang dapa siksa karna dorang percaya pa Tuhan Allah. Dorang itu bole dapa bebas asal manyangkal pa Tuhan Allah, tapi dorang tara mau. Barang dorang pikir, kalu dorang mati, nanti dorang mo hidup ulang, kong hidup yang dorang dapa itu hidup yang lebe bae lagi.

Ibrani 9:10

Barang, aturan-aturan di janji yang lama itu, cuma ator tentang apa yang orang musti makang deng minum, deng cara-cara untuk orang biking bersi diri saja. Kong samua aturan itu cuma ator di manusia pe bagian luar diri saja, bukang untuk manusia pe dalam hati, turus aturan itu cuma ada dia pe guna sampe di waktu Tuhan Allah ganti deng janji yang baru.

2 Petrus 3:7

Kong cuma deng bicara lagi, Tuhan Allah jaga langit deng bumi skarang, sampe di waktu Dia mo hukum pa orang-orang yang tara iko Dia pe mau deng Dia mo biking dorang mati slama-lamanya. Di waktu itu, Dia mo bakar kase abis dunia deng langit ini.