Ibrani 6:10 - Perjanjian Baru Bahasa Melayu Maluku Utara

¹⁰ Barang, Tuhan Allah itu adil, jadi Dia tetap inga ngoni pe bae yang ngoni so biking untuk Dia, deng ngoni pe sayang yang ngoni so kase tunju pa orang-orang yang so jadi Tuhan Allah pe umat, yang ngoni layani dari dulu sampe skarang.

Ibrani 6:10 ပူးပေါင်းရင်းမြစ်များ

Matius 10:42

Kong sapa yang bantu pa orang biasa-biasa saja karna orang itu so iko pa Kita, biar cuma kase aer satu galas saja, Kita bilang pa ngoni, orang yang bantu itu pasti dapa upah dari Tuhan.”

Matius 20:7

Dorang bilang pa dia, ‘Torang babagini saja, barang tarada orang yang kase torang karja’. Kong dia bilang pa dorang, ‘Kalu bagitu, ngoni pigi di kita pe kobong anggur kong bakarja di sana suda.’

Matius 25:17

Bagitu lagi deng orang karja yang tarima doi mas dua tas. Dia kase putar doi itu, kong dia dapa untung doi mas dua tas lagi.

Markus 9:41

Jadi ngoni inga bae-bae: sapa yang bantu pa ngoni karna ngoni iko pa Kristus, biar dia cuma kase ngoni aer satu galas saja, orang yang bantu itu pasti dapa upah dari Tuhan.”

Yohanes 13:20

Inga bae-bae yang Kita bilang ini. Sapa saja yang tarima pa orang-orang yang Kita utus, itu berarti dia so tarima lagi pa Kita. Kong sapa saja yang tarima pa Kita, itu berarti orang itu so tarima pa Bapa yang utus pa Kita.

Kisah Para Rasul 10:31

Turus dia bilang pa kita, ‘Kornelius, Tuhan Allah so dengar samua ngana pe doa deng Dia so lia ngana jaga bantu pa orang-orang susa.

Kisah Para Rasul 10:4

Kornelius haga pa malaekat itu deng rasa tako skali, kong dia bilang, “Ada apa bapa?” Malaekat itu bilang pa dia, “Tuhan Allah so dengar ngana pe doa, deng Dia so lia samua yang ngana so bantu pa orang-orang susa. Tuhan Allah tetap inga yang ngana so biking itu.

Kisah Para Rasul 11:29

Pe dengar bagitu, orang-orang yang percaya pa Yesus ambe keputusan la mo kumpul doi sumbangan kong kirim pa orang-orang yang percaya yang tinggal di daera Yudea. Dorang kase itu, iko dorang pe kemampuan masing-masing.

Roma 12:13

Ngoni musti tolong pa orang-orang yang so jadi Tuhan Allah pe umat yang pe hidup kekurangan. Kong ngoni musti tarima pa orang-orang di ngoni pe ruma deng hati sanang.

2 Korintus 9:1

Sebenarnya, kita tara perlu tulis lagi pa ngoni tentang doi sumbangan untuk orang-orang yang so jadi Tuhan Allah pe umat di kota Yerusalem,

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Galatia 6:10

Jadi selama torang masi hidup, mari suda torang biking barang yang bae pa samua orang, lebe-lebe lagi pa torang pe sudara-sudara yang sama-sama percaya.

Kolose 3:17

Kong samua yang ngoni biking deng ngoni bilang, ngoni biking suda samua itu deng bae-bae, karna ngoni Tuhan Yesus pe wakil di dunia. Kong ngoni lagi musti salalu bilang tarimakasi banya pa Tuhan Allah, torang pe Bapa karna apa yang Tuhan Yesus so biking.

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

2 Timotius 4:8

Satu conto lagi, kalu orang iko lomba kong juara, dia dapa hadia. Bagitu lagi deng kita, Tuhan so kase sadia kita pe hadia karna Dia lia kita hidup butul pa Dia pe muka. Hadia itu Dia simpang kong nanti Dia mo kase pa kita di hari yang Dia mo adili pa samua orang deng adil. Hadia itu bukang cuma kita yang mo dapa, tapi samua orang yang percaya yang tunggu-tunggu Dia datang lagi, dorang me mo dapa.

Ibrani 10:32

Coba ngoni inga waktu ngoni baru tarima Kabar Bae tentang Yesus Kristus deng jadi percaya pa Dia. Waktu itu, ngoni banya menderita karna ngoni pe percaya, tapi biar bagitu, ngoni tetap pegang kuat ngoni pe percaya.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

1 Yohanes 1:9

Kalu torang mangaku torang pe dosa pa Tuhan Allah, Dia mo kase ampun pa torang deng Dia mo kase bersi pa torang dari samua yang jahat yang torang so biking. Dia kase ampun torang pe dosa, itu karna Dia adil deng Dia pasti mo biking samua yang Dia so janji.