Ibrani 5:3 - Perjanjian Baru Bahasa Melayu Maluku Utara

³ Kong karna dia bisa tagoda biking dosa, dia lagi musti kase binatang korban persembahan pa Tuhan Allah, bukang cuma untuk minta Tuhan Allah kase ampun umat pe dosa-dosa, tapi deng dia lagi pe dosa-dosa.

Ibrani 5:3 ပူးပေါင်းရင်းမြစ်များ

1 Korintus 15:3

Barang, dari samua ajaran yang kita so tarima dari Tuhan Yesus, itu suda yang kita so kase tau pa ngoni, kong yang paling penting itu bagini: Yesus Kristus so mati untuk tebus torang pe dosa-dosa, iko sama deng yang so tatulis di Kitab Suci.

Ibrani 10:12

Tapi Yesus Kristus, cuma satu kali Dia serakan Dia pe diri jadi korban persembahan untuk hapus manusia pe dosa-dosa, kong korban itu berlaku untuk slama-lamanya. Abis itu, Dia dudu di tampa yang terhormat di sorga, pa Tuhan Allah pe sabla kanan.

Ibrani 7:27

Yesus Kristus tara sama deng imam-imam basar laeng. Tiap hari, imam basar laeng itu musti potong binatang la jadi korban persembahan pa Tuhan Allah untuk hapus dia pe dosa sandiri, baru kase korban persembahan untuk hapus orang-orang pe dosa. Tapi Yesus Kristus tara bagitu. Dia kase Dia pe diri sandiri mati di kayu salib. Dia pe diri itu suda yang jadi korban persembahan pa Tuhan Allah untuk tebus samua manusia pe dosa, satu kali untuk slama-lamanya.

Ibrani 9:7

Tapi di ruang yang kedua, Ruang Paling Suci itu, cuma imam basar saja yang bisa maso di situ, kong cuma satu kali satu taong saja. Kong, kalu imam basar maso di situ, dia musti bawa binatang pe dara untuk biking persembahan pa Tuhan Allah supaya Tuhan Allah hapus imam itu pe dosa, deng samua orang pe dosa yang dong tara sangaja biking.