Ibrani 5:2 - Perjanjian Baru Bahasa Melayu Maluku Utara

² Imam basar itu cuma manusia biasa saja, yang bisa saja tagoda biking dosa, jadi dia musti sabar untuk layani pa orang-orang yang bolong tau banya tentang Tuhan Allah pe mau, deng pa orang-orang yang jaga biking dosa.

Ibrani 5:2 ပူးပေါင်းရင်းမြစ်များ

Lukas 22:32

Tapi Kita so berdoa supaya ngana tetap percaya pa Kita. Ngana nanti bale balakang pa Kita, tapi waktu ngana pe percaya pa Kita so kuat ulang, ngana musti kase kuat pa ngana pe sudara-sudara pe hati lagi supaya dorang tetap percaya pa Kita.”

2 Korintus 11:30

Kalu kita musti puji kita pe diri sandiri, kita lebe suka mo puji tentang hal-hal yang kita tara mampo biking supaya ngoni tau kita tara kuat.

2 Korintus 12:5

Jadi kita mo puji orang itu karna apa yang dia lia, tapi kita tara puji kita pe diri, kita cuma puji diri tentang apa yang kita tara mampo biking.

Galatia 4:13

Pasti ngoni masi inga, waktu kita pertama kali datang pa ngoni, itu karna kita saki. Kong justru itu, jadi kesempatan pa kita untuk kase tau Kabar Bae dari Tuhan Allah pa ngoni.

Efesus 4:18

Dorang pe pikiran itu so galap, dorang susa mo tau yang butul. Dorang pe hidup so jao dari hidup yang Tuhan Allah mo kase pa dorang karna dorang tara mau tau tentang Dia deng karna dorang pe kapala batu.

1 Timotius 1:13

Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.

Ibrani 12:13

Kong hidup iko turus pa Tuhan Allah saja supaya orang laeng yang kurang percaya pa Tuhan Allah bole iko ngoni pe conto itu, turus dorang me jadi percaya kuat pa Tuhan Allah. Itu bole kase sama deng ngoni bajalang di jalang yang lurus supaya orang yang pe kaki tempang mo iko pa ngoni la jang dong bajalang tasala lagi tapi bisa bajalang bae-bae.

Ibrani 2:17

Kong karna Dia mo tolong pa torang yang jadi Dia pe sudara, Tuhan Allah musti biking Yesus jadi sama persis deng torang manusia. Deng karna Yesus so rasa samua yang torang so rasa, Dia bole kase tunju Dia pe rasa kasiang pa torang manusia, sampe bole kase Dia pe diri mati untuk tebus torang pe dosa-dosa. Deng Dia mati itu, Yesus jadi Imam Basar yang setia pa Tuhan Allah supaya torang deng Tuhan Allah pe hubungan jadi bae ulang.

Ibrani 2:18

Jadi, karna Dia sandiri so perna menderita waktu dapa goda, Dia me mampo tolong pa torang waktu torang dapa goda.

Ibrani 4:15

Barang, Yesus Kristus torang pe Imam Basar itu, Dia mangarti skali torang manusia ini tara kuat kong gampang tagoda biking barang jahat. Karna waktu Dia di dunia, Dia me perna dapa goda macam-macam sama deng torang, cuma Dia tara perna tagoda sampe biking dosa.

Ibrani 7:28

Barang, kalu iko aturan-aturan di lima kitab Musa, orang yang dapa angka jadi imam basar, dorang itu cuma manusia biasa saja yang gampang tagoda biking dosa. Tapi abis Tuhan Allah kase aturan-aturan itu, Dia biking lagi janji yang baru deng sumpa la Dia angka Dia pe Anak sandiri, Yesus Kristus. Dia pe Anak itu sempurna, deng Dia jadi Imam yang kase bae-bae torang pe hubungan deng Tuhan Allah sampe slama-lamanya.

Ibrani 9:7

Tapi di ruang yang kedua, Ruang Paling Suci itu, cuma imam basar saja yang bisa maso di situ, kong cuma satu kali satu taong saja. Kong, kalu imam basar maso di situ, dia musti bawa binatang pe dara untuk biking persembahan pa Tuhan Allah supaya Tuhan Allah hapus imam itu pe dosa, deng samua orang pe dosa yang dong tara sangaja biking.

Yakobus 5:19

Sudara-sudara, kalu ada dari ngoni yang dulu percaya pa Tuhan tapi so tara iko lagi Tuhan pe ajaran, lebe bae ada orang yang bantu pa dia supaya dia bale ulang pa Tuhan.

1 Petrus 2:25

Karna ngoni dulu tara iko pa Tuhan, sama deng domba yang ilang, tapi skarang ngoni so bale iko pa Tuhan, Dia itu yang jaga bae-bae pa ngoni pe jiwa sama deng gembala yang jaga bae-bae dia pe domba.