Ibrani 5:13 - Perjanjian Baru Bahasa Melayu Maluku Utara

¹³ Barang, orang yang cuma dapa ajar ajaran dasar saja, yang bolong tau mana yang sala deng mana yang butul, dorang itu macam deng ana kacil yang memang cuma bole minum susu.

Ibrani 5:13 ပူးပေါင်းရင်းမြစ်များ

Matius 11:25

Waktu itu Yesus berdoa, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti.

Markus 10:15

Inga bae-bae yang Kita mo bilang pa ngoni ini: sapa yang tara tarima pa Tuhan Allah sama deng ana kacil yang tara sombong, dia tara akan jadi Tuhan Allah pe umat yang Dia Berkuasa sebagai Raja pa dia pe hidup.”

Roma 2:20

Turus, torang orang Yahudi me tau torang bole kase ajar pa orang yang tara tau apa-apa. Torang me bole jadi guru pa orang yang bolong tau aturan, sama deng guru ajar ana kacil yang bolong tau aturan. Torang tau bagitu karna torang so tau samua aturan yang butul, aturan itu ada di lima kitab Musa.

1 Korintus 13:11

Ambe conto bagini: waktu kita masi ana kacil, kita pe bicara sama deng ana kacil, deng kita pe cara bapikir sama deng ana kacil. Tapi skarang, bagitu kita so basar, kita kase tinggal kalakuang macam ana kacil itu.

1 Korintus 14:20

Sudara-sudara, mangarti bae-bae yang kita bilang tentang karunia-karunia itu, deng jang ngoni pe pikiran sama deng ana-ana. Tapi tentang barang yang jahat, ngoni pe pikiran musti sama deng ana-ana supaya ngoni tara bapikir untuk biking yang jahat.

1 Korintus 3:1

Sudara-sudara, tuhari waktu kita masi sama-sama deng ngoni, kita tara bisa ajar pa ngoni sama deng kita ajar pa orang yang Roh Kudus so kuasai. Kita cuma kase ajar, ajaran yang gampang ngoni mangarti sama deng kita ajar pa orang-orang yang masi iko manusia pe mau yang suka biking dosa. Barang, ngoni pe percaya pa Yesus Kristus bolong kuat, sama deng ana kacil yang baru lahir.

2 Korintus 3:9

Kita pe maksut itu bagini. Aturan yang Tuhan Allah kase pa nabi Musa itu biking manusia tau dorang so biking dosa kong musti dapa hukum. Tapi kalu janji yang lama itu saja datang dari Tuhan Allah pe kuasa yang hebat, apalagi deng janji yang baru, pasti datang dari Tuhan Allah pe kuasa yang lebe hebat lagi, karna janji yang baru itu yang bole biking torang jadi tara sala pa Tuhan Allah pe muka.

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

2 Timotius 3:16

Samua yang tatulis di Kitab Suci, itu dari Tuhan Allah sandiri. Samua itu dia pe guna: untuk kase ajar pa orang apa yang butul, untuk togor orang yang ajar ajaran yang sala, untuk ruba orang pe cara hidup la dorang iko jalang yang butul, deng untuk lati orang pe diri iko Tuhan pe mau.

1 Petrus 2:2

Ngoni musti suka skali Tuhan pe Firman, sama deng bayi yang baru lahir yang suka skali minum dia pe mama pe aer susu. Deng bagitu, ngoni pe percaya pa Tuhan mo lebe tatamba kuat kong ngoni akan dapa slamat dari dosa-dosa.

2 Yohanes 1:11

Barang, sapa yang tarima deng kase salam pa orang itu, itu sama saja deng dia so biking yang jahat sama deng orang itu biking.