Ibrani 5:11 - Perjanjian Baru Bahasa Melayu Maluku Utara

¹¹ Sudara-sudara, masi ada banya hal yang perlu tong kase tau pa ngoni tentang Yesus Kristus yang jadi torang pe Imam Basar, cuma ngoni ini pamalas dengar ajaran yang lebe dalam itu, jadi susa skali mo biking ngoni mangarti.

Ibrani 5:11 ပူးပေါင်းရင်းမြစ်များ

Matius 13:15

Karna orang-orang bangsa ini karas kapala. Dorang pe talinga tara mau badengar, deng dorang pe mata me dorang tutu kuat-kuat, supaya jang dorang lia deng dong pe mata, jang dorang dengar deng dong pe talinga, deng jang dorang mangarti deng dong pe hati. Jadi dorang tara mau bertobat, kong Kita tara akan kase slamat pa dorang.’

Markus 8:21

Kong Yesus bilang pa dorang ulang, “Kong kalu bagitu, ngoni musti percaya pa Kita, kong tara usa ngoni hawater deng makanang itu.”

Lukas 24:25

Kong Yesus bilang pa dorang, “Wah, ngoni memang bodo skali. Pe lama ngoni masi bolong percaya samua yang nabi-nabi so tulis di Kitab Suci.

Yohanes 16:12

Masi banya lagi yang Kita mo bilang pa ngoni, tapi skarang ngoni bolong mampo mangarti.

Yohanes 6:6

Yesus bilang bagitu, cuma mo lia, Filipus itu butul percaya pa Dia ka tarada. Barang, sebenarnya Yesus sandiri so tau apa yang Dia akan biking.

Kisah Para Rasul 28:27

Karna orang-orang bangsa ini karas kapala. Dorang pe talinga tara mau badengar, deng dorang pe mata me dorang tutu kuat-kuat, supaya jang dorang lia deng dong pe mata, jang dorang dengar deng dong pe talinga, deng jang dorang mangarti deng dong pe hati. Jadi dorang tara mau bertobat, kong Kita tara akan kase slamat pa dorang.’ ”

Ibrani 5:10

Kong Tuhan Allah angka pa Dia jadi Imam Basar, sama deng Melkisedek dulu.

Ibrani 5:12

Ngoni so lama percaya pa Yesus Kristus, jadi sebenarnya ngoni ini yang musti ajar pa orang laeng. Tapi ternyata skarang ini, ngoni masi perlu lagi mo dapa ajar tentang ajaran-ajaran dasar dari Tuhan Allah pe firman. Ngoni masi sama deng ana-ana kacil yang cuma bisa minum susu, bolong bisa makang makanang karas.

2 Petrus 3:16

Di samua Paulus pe surat, dia tulis hal-hal macam itu. Memang ada babarapa hal di surat-surat itu yang orang susa mangarti. Orang yang tara tau ajaran yang butul deng orang yang pe percaya tara kuat, dorang so ruba dia pe arti jadi sala, sama deng dong kase sala arti kitab-kitab yang laeng di Kitab Suci. Karna itu, Tuhan Allah mo hukum pa dorang tapisa deng Dia slama-lamanya.