Ibrani 4:9 - Perjanjian Baru Bahasa Melayu Maluku Utara

⁹ Jadi untuk Tuhan Allah pe umat, masi ada kesempatan tarima Tuhan Allah pe janji untuk baistrahat sama-sama deng Dia. Itu sama deng waktu Tuhan Allah baistrahat di hari ketuju, abis Dia biking dunia ini.

Ibrani 4:9 ပူးပေါင်းရင်းမြစ်များ

Matius 1:21

Maria mo melahirkan ana laki-laki satu. Kong ngana musti kase nama pa ana itu Yesus, barang Dia itu nanti yang mo kase slamat pa Dia pe umat dari dorang pe dosa-dosa.”

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Ibrani 11:25

Barang, dia rasa lebe bae dia hidup sengsara biking Tuhan Allah pe mau sama-sama deng Tuhan Allah pe umat, daripada dia berdosa karna cuma basanang-sanang di dalam raja pe istana. Dia tau, hidup sanang-sanang bagitu itu pe waktu tara slama-lamanya.

Ibrani 3:11

Dorang biking Kita mara bagitu sampe Kita basumpa bagini, ‘Dorang itu tara akan bisa maso di tana yang Kita so janji pa dorang la dorang baistrahat sama-sama deng Kita di situ.’ ”

Ibrani 4:1

Jadi sudara-sudara, biar torang pe orang tua dulu-dulu tara dapa maso di tana yang Tuhan Allah janji untuk baistrahat, skarang Tuhan Allah pe janji untuk baistrahat sama-sama deng Dia masi ada. Jadi torang musti ati-ati, jang sampe ada satu dari torang yang tara bisa baistrahat deng Tuhan Allah.

Ibrani 4:10

Barang, sapa saja yang tarima Tuhan Allah pe janji untuk baistrahat sama-sama deng Dia, nanti dorang baistrahat dari samua dong pe karja, sama deng Tuhan Allah so biking waktu Dia abis biking dunia ini.

Ibrani 4:3

Karna cuma orang yang percaya yang bisa baistrahat sama-sama deng Dia. Tapi tentang orang yang tara percaya itu, Tuhan Allah bilang bagini, “Kita mara pa dorang, jadi Kita basumpa: ‘Dorang tara akan bisa maso di tana yang Kita so janji pa dorang la dorang baistrahat sama-sama deng Kita.’ ” Tuhan Allah bilang bagitu, karna Dia so biking tana istrahat itu dari dulu waktu Dia biking dunia ini.

Ibrani 4:8

Hari istrahat baru yang Tuhan Allah maksut itu, bukang di tana Kanaan waktu Yosua bawa maso pa orang Israel dulu. Karna kalu itu pe maksut di tana Kanaan, Tuhan Allah tara akan bicara tentang hari laeng lagi untuk baistrahat sama-sama deng Dia.

1 Petrus 2:10

Dulu, ngoni itu bukang Tuhan Allah pe umat, tapi skarang ngoni so jadi Dia pe umat. Dulu ngoni me bolong tarima Tuhan Allah pe rasa kasiang, tapi skarang ngoni so tarima Dia pe rasa kasiang itu.

Wahyu 14:13

Kong kita dengar suara dari sorga bilang bagini, “Yohanes, tulis ini: mulai skarang, orang-orang yang mati karna percaya pa Tuhan, dorang itu paling sanang suda!” Kong Tuhan Allah pe Roh bilang bagini, “Butul, butul dorang itu paling sanang suda! Dorang akan istrahat dari dong pe karja karas, jadi Tuhan akan balas dong pe lala itu deng apa yang bae di sorga.”

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”