Ibrani 4:15 - Perjanjian Baru Bahasa Melayu Maluku Utara

¹⁵ Barang, Yesus Kristus torang pe Imam Basar itu, Dia mangarti skali torang manusia ini tara kuat kong gampang tagoda biking barang jahat. Karna waktu Dia di dunia, Dia me perna dapa goda macam-macam sama deng torang, cuma Dia tara perna tagoda sampe biking dosa.

Ibrani 4:15 ပူးပေါင်းရင်းမြစ်များ

Matius 12:20

Dia bae pa orang-orang yang lema, itu sama deng Dia tara kase putus bulu yang so pata, sama lagi deng Dia tara mo kase mati pelita yang dia pe manyala so kacil. Dia mo pimpin pa manusia sampe yang adil menang dari yang tara adil.

Matius 4:1

Abis itu, Roh Kudus bawa pa Yesus di padang gurun, tampa yang jao dari kampong, supaya Iblis, setang-setang pe raja goda pa Dia.

Lukas 22:28

Waktu Kita dapa cobaan, ngoni salalu sama-sama deng Kita.

Lukas 4:2

Yesus tinggal di sana ampa pulu hari. Di situ, Iblis, setang-setang pe raja goda pa Yesus. Selama Yesus ada di situ, Dia tara makang apa-apa sampe Dia lapar skali.

Yohanes 8:46

Sapa dari ngoni yang bole kase bukti, bilang Kita biking dosa? Tara ada to? Kalu Kita bicara yang butul, bikiapa kong ngoni tara percaya pa Kita?

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

2 Korintus 5:21

Yesus Kristus tara perna biking dosa, tapi Tuhan Allah so kase hukuman pa Dia untuk ganti pa torang yang berdosa, supaya torang yang percaya pa Yesus Kristus, Tuhan Allah biking torang jadi orang yang tara sala pa Dia pe muka.

Ibrani 4:14

Skarang ini torang so untung, karna torang so ada Imam Basar yang Paling Hebat. Dia itu suda Yesus Kristus, Anak Allah. Dia yang kase bae-bae torang manusia yang berdosa pe hubungan deng Tuhan Allah. Dia so nae di sorga, kong so ada sama-sama deng Tuhan Allah. Jadi, mari suda torang tetap kuat percaya pa Dia.

Ibrani 5:2

Imam basar itu cuma manusia biasa saja, yang bisa saja tagoda biking dosa, jadi dia musti sabar untuk layani pa orang-orang yang bolong tau banya tentang Tuhan Allah pe mau, deng pa orang-orang yang jaga biking dosa.

Ibrani 7:26

Yesus Kristus itu cocok skali jadi torang pe Imam Basar yang kase bae-bae torang pe hubungan deng Tuhan Allah, barang Dia itu Kudus, Dia tarada sala, deng Dia tara perna biking dosa. Tuhan Allah taru pa Yesus Kristus di tampa yang jao dari orang-orang berdosa, kong Dia angka pa Yesus Kristus di tampa yang paling terhormat di sorga.

Ibrani 9:28

Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.

1 Petrus 2:22

Sama deng yang so tatulis di Kitab Suci bagini, “Dia tara perna biking dosa, deng tara perna bicara putar bale.”

1 Yohanes 3:5

Ngoni tau, Yesus datang di dunia ini untuk hapus torang pe dosa-dosa. Deng ngoni me tau, Dia itu tarada dosa.