Ibrani 4:1 - Perjanjian Baru Bahasa Melayu Maluku Utara

¹ Jadi sudara-sudara, biar torang pe orang tua dulu-dulu tara dapa maso di tana yang Tuhan Allah janji untuk baistrahat, skarang Tuhan Allah pe janji untuk baistrahat sama-sama deng Dia masi ada. Jadi torang musti ati-ati, jang sampe ada satu dari torang yang tara bisa baistrahat deng Tuhan Allah.

Ibrani 4:1 ပူးပေါင်းရင်းမြစ်များ

Matius 24:48

Tapi kalu orang karja itu jahat, dia akan babilang di dia pe dalam hati bagini,

Kisah Para Rasul 3:19

Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa.

Roma 11:20

Memang, banya orang Yahudi yang Tuhan Allah so buang, itu karna dorang tara percaya. Tapi ngoni orang yang bukang Yahudi, Tuhan Allah tarima pa ngoni karna ngoni percaya pa Dia. Jadi ngoni tara bole basombong, tapi ngoni musti tako pa Tuhan Allah!

Roma 3:23

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup.

1 Korintus 10:12

Karna itu, sapa yang pikir dia pe percaya pa Tuhan so kuat, dia musti bae-bae la jang dia tagoda biking dosa.

2 Korintus 6:1

Torang deng Tuhan Allah karja sama-sama untuk kase tau Kabar Bae tentang Yesus Kristus pa orang-orang. Ngoni ini so tarima Tuhan Allah pe bae waktu Yesus Kristus dapa salib, jadi torang minta pa ngoni, jang kase sia-sia Tuhan Allah pe bae itu.

Galatia 5:4

Kalu ngoni mau iko aturan-aturan di lima kitab Musa untuk jadi orang yang butul pa Tuhan Allah pe muka, itu berarti, ngoni pe hubungan deng Yesus Kristus so taputus. Karna Tuhan Allah so kase Dia pe bae pa ngoni deng cara biking ngoni jadi orang yang tara sala pa Dia pe muka. Jadi kalu ngoni sandiri mo usaha jadi orang yang butul, ngoni so tolak Dia pe bae itu.

2 Timotius 2:13

Tapi biar torang tara setia, Dia tetap setia, karna samua yang Dia so janji tara mungkin Dia tara biking.”

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

Ibrani 12:25

Jadi, ngoni musti dengar bae-bae pa Tuhan Allah yang bicara pa ngoni, jang ngoni tolak pa Dia. Barang, dulu-dulu itu, orang-orang Israel tara peduli deng Tuhan Allah pe kata-kata yang nabi Musa bilang pa dorang di dunia, jadi dorang dapa hukum. Apalagi deng torang ini, torang pasti tara akan bebas dari Tuhan Allah pe hukuman kalu torang tara mau dengar Tuhan Allah yang dari sorga pe bicara.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.

Ibrani 3:11

Dorang biking Kita mara bagitu sampe Kita basumpa bagini, ‘Dorang itu tara akan bisa maso di tana yang Kita so janji pa dorang la dorang baistrahat sama-sama deng Kita di situ.’ ”

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Ibrani 4:9

Jadi untuk Tuhan Allah pe umat, masi ada kesempatan tarima Tuhan Allah pe janji untuk baistrahat sama-sama deng Dia. Itu sama deng waktu Tuhan Allah baistrahat di hari ketuju, abis Dia biking dunia ini.