Ibrani 3:18 - Perjanjian Baru Bahasa Melayu Maluku Utara

¹⁸ Kong sapa yang Tuhan Allah bajanji deng basumpa, dorang itu tara akan maso di tana Kanaan yang Tuhan Allah mo kase pa orang percaya untuk baistrahat sama-sama deng Dia? Tantu dorang itu suda yang tara dengar-dengaran pa Tuhan Allah, to?

Ibrani 3:18 ပူးပေါင်းရင်းမြစ်များ

Yohanes 3:36

Jadi, sapa yang percaya pa Dia pe Anak itu, dia mo dapa hidup deng Tuhan Allah slama-lamanya, kong sapa yang tara iko Anak itu pe mau, dia tara mo dapa hidup deng Tuhan Allah slama-lamanya, tapi Tuhan Allah pe hukuman ada pa dia slama-lamanya.

Roma 11:30

Dulu, ngoni orang-orang yang bukang Yahudi tara iko pa Tuhan Allah. Tapi skarang karna orang Yahudi tara dengar-dengaran pa Dia, Dia so kasiang pa ngoni sampe Dia kase bebas pa ngoni dari dosa-dosa.

Ibrani 3:11

Dorang biking Kita mara bagitu sampe Kita basumpa bagini, ‘Dorang itu tara akan bisa maso di tana yang Kita so janji pa dorang la dorang baistrahat sama-sama deng Kita di situ.’ ”

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Ibrani 4:2

Barang, torang me so dengar kabar yang bae tentang bisa baistrahat sama-sama deng Tuhan Allah, sama deng torang pe orang tua dulu-dulu so dengar. Tapi kabar yang torang pe orang tua dulu-dulu dengar itu tara ada guna, barang dorang tara percaya butul-butul.

Ibrani 4:6

Jadi dari ayat-ayat itu so jelas, torang pe orang tua dulu-dulu so kamuka dengar kabar yang bae tentang tana itu, tapi dorang tara jadi maso di situ, karna dorang tara dengar-dengaran pa Tuhan Allah. Tapi biar bagitu, masi ada kesempatan untuk Tuhan Allah pe umat bole baistrahat sama-sama deng Dia.