Ibrani 2:8 - Perjanjian Baru Bahasa Melayu Maluku Utara

⁸ Tuhan Allah biking dia berkuasa pa samua-samua yang ada.” Jadi dari yang so tatulis itu, so jelas pa torang, Tuhan Allah biking manusia berkuasa pa samua-samua yang ada. Tara ada yang dia tara kuasai. Cuma skarang ini, torang bolong lia dia berkuasa pa samua-samua yang ada.

Ibrani 2:8 ပူးပေါင်းရင်းမြစ်များ

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Yohanes 13:3

Yesus tau Dia pe Bapa so kase samua kuasa pa Dia. Dia me tau Dia itu datang dari Tuhan Allah, Dia pe Bapa, kong Dia lagi nanti mo bale ulang pa Tuhan Allah.

Yohanes 3:35

Bapa sayang pa Dia pe Anak, kong so kase samua-samua yang ada untuk Dia pe Anak kuasai.

1 Korintus 15:27

Barang, di Kitab Suci so tatulis bagini, “Tuhan Allah biking samua yang malawang pa Dia ada di bawa Kristus pe kuasa.” Deng bagitu, torang jadi mangarti, samua-samua ada di bawa Yesus Kristus pe kuasa. Cuma Tuhan Allah saja yang tarada, karna Tuhan Allah yang biking sampe samua ada di bawa Yesus Kristus pe kuasa.

Ibrani 1:13

Kong tara perna Tuhan Allah bicara pa malaekat-malaekat sama deng Dia bicara pa Dia pe Anak macam bagini, “Dudu suda di tampa yang terhormat, pa Kita pe sabla kanan, sampe Kita kase kala Ngana pe musu-musu samua.”

Ibrani 1:2

Tapi skarang, di waktu yang so dekat hari kiamat ini, Tuhan Allah so utus Dia pe Anak sandiri yang bicara langsung pa torang. Dia pe Anak itu yang dulu Tuhan Allah pake untuk biking dunia ini deng samua-samua dunia pe isi. Kong Dia pe Anak itu suda yang Tuhan Allah so tentukan supaya jadi ahli waris dari samua-samua yang ada.

Ibrani 2:5

Tuhan Allah tara kase kuasa pa malaekat-malaekat la mo berkuasa di dunia yang baru nanti, dunia yang sementara torang bicara ini.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 1:5

deng pa Yesus Kristus. Yesus Kristus itu yang setia kase tau Tuhan Allah pe pasáng. Dia itu yang kamuka hidup ulang dari antara orang mati. Kong Dia itu Yang Paling Berkuasa dari samua raja di bumi ini. Yesus Kristus itu sayang pa torang. Dia pe dara yang tatumpa waktu Dia mati di kayu salib, kase bebas pa torang dari torang pe dosa-dosa.