Ibrani 2:15 - Perjanjian Baru Bahasa Melayu Maluku Utara

¹⁵ Deng karna Yesus kase kala Iblis pe kuasa yang biking orang mati slama-lamanya itu, Dia kase ilang torang manusia pe rasa tako mati yang kuasai torang pe hidup ini. Barang, selama manusia hidup, manusia rasa tako mati, macam deng orang karja yang tako pa dia pe tuang.

Ibrani 2:15 ပူးပေါင်းရင်းမြစ်များ

Roma 8:15

Torang tau, tong itu Tuhan Allah pe ana-ana, karna Tuhan Allah pe Roh yang Dia so kase pa torang itu, tara biking torang tako sama deng orang karja yang tako dia pe tuang. Tapi Tuhan Allah pe Roh itu so biking torang jadi Tuhan Allah pe ana-ana, sampe torang me bole pangge pa Dia itu, “Papa e, ya Bapa!”

Roma 8:21

Dunia deng samua dia pe isi yang Tuhan Allah so kutuk, ada yang mo jadi busu, ada yang mo jadi rusak, deng ada yang mo mati. Tapi nanti Tuhan Allah mo kase bebas samua dari kutuk itu supaya tara mo jadi bagitu lagi. Sampe nanti dunia deng samua dia pe isi mo dapa rasa sanang yang luar biasa sama-sama deng Tuhan Allah pe ana-ana.

2 Korintus 1:10

Dia so kase slamat pa torang dari bahaya yang biking tong amper mati. Kong Dia itu suda yang jadi torang pe tampa baharap, Dia akan kase slamat pa torang lagi.

Galatia 4:21

Ee, ngoni sudara-sudara yang mau hidup iko aturan-aturan di lima kitab Musa, ngoni musti mangarti dulu aturan-aturan itu pe maksut. Jang sampe ngoni tara mangarti conto yang tatulis di Kitab Suci.

2 Timotius 1:7

Karna Tuhan Allah kase Dia pe Roh Kudus pa torang. Roh Kudus itu tara biking torang panako tapi biking torang pe hati kuat untuk iko Tuhan pe mau, untuk sayang orang, deng untuk kuasai torang pe diri.

Ibrani 2:16

Jadi so jelas skali, Yesus datang di dunia bukang untuk tolong pa malaekat-malaekat, tapi Dia datang untuk tolong pa torang, bapa Abraham pe turunan.